فوتو: Today.kz

الماتىدا «الماتى تۋرى-2017» ۆەلوجارىسىن وتكىزۋ كەزىندە بىرقاتار كوشە جابىلادى. بۇل تۋرالى قالا اكىمدىگىنىڭ ءباسپاسوز قىزمەتى حابارلادى. 

«تۋر الماتى»  العاش رەت كوپكۇندىك  جارىس فورماتى بويىنشا 30 قىركۇيەك پەن 1 قازاندا ەكى كەزەڭمەن وتكىزىلەدى.

1 كەزەڭدە، ياعني 30 قىركۇيەكتە ۆەلوجارىس تومەندە اتالعان كوشەلەردەن وتەدى:

  • 9:00 – 10:40 – قالالىق اينالىم ( تولە بي كوشەسىنىڭ بويىمەن فۋرمانوۆ كوشەسىنە دەيىن،فۋرمانوۆ كوشەسىنەن جوعارى ساتپاەۆ كوشەسىنە دەيىن، ساتپاەۆ كوشەسىنەن بايزاقوۆ كوشەسىنە دەيىن، بايزاقوۆ كوشەسىنەن اباي كوشەسىنە دەيىن، اباي كوشەسىنەن جەلتوقسانعا دەيىن، جەلتوقسان  كوشەسىنەن تولە بي كوشەسىنە دەيىن)
  • 10:40 – 11:00 - شاج – يندۋستريالدى ايماق (تولە بي كوشەسىنەن شىعىس اينالما جولىنا دەيىن، شاج بويىمەن ءال-فارابي داڭعىلىنان يندۋستريالدى ايماققا دەيىن.
  • 11:00 – 14:30 – يندۋستريالدى ايماق
  • 13:30 – 14:30 – مومىشۇلى بويىمەن «الماتى ارەناعا دەيىن» جانە «الماتى ارەنانىڭ» ىشكى اۋماعىندا مارەگە جەتەدى.

1 قازاندا بولاتىن 2 كەزەڭ:

  • 09:45 – 10:05 - تالعار تراكتى بويىمەن «حالىق ارەناداعى» جارىس ورنىنا دەيىنگى;
  • 10:00 – 14:00 – شىعىس اينالما جولى بويىمەن – تۇڭعىش پرەزيدەنت ساياباعى;
  • 12:40 – 14:40 - دوستىق داڭعىلى بويىمەن «مەدەۋ»  مۇز ايدىنىنداعى مارەگە دەيىنگى اۋماقتى قامتيدى.

“The Qazaq Times”