الماتىدا بىرقاتار كوشە ءبىر باعىتتى بولادى

الماتىدا كولىك قوزعالىسىن ۇيىمداستىرۋدىڭ كەشەندى سىزباسى اياسىندا شەۆچەنكو جانە قۇرمانعازى كوشەلەرىندە كولىك قوزعالىسى ءبىر باعىتتى بولادى. بۇل تۋرالى الماتى قالاسى اكىمدىگىنىڭ ءباسپاسوز قىزمەتى حابارلادى.

"شەۆچەنكو كوشەسىنىڭ بويىندا دوستىق داڭعىلىنان جاروكوۆ كوشەسىنە دەيىنگى اۋماقتا ترامۆاي رەلستەرى الىنىپ تاستالعان سوڭ جولدار ورتاشا اعىمداعى جوندەۋدەن وتەدى جانە باستىس باعىتقا قاراي كولىكتىڭ بىرجاقتى قوزعالىسى ۇيىمداستىرىلادى، سونىمەن قاتار وڭتۇستىك جاعىنان قوناەۆ كوشەسىنەن جاروكوۆ كوشەسىنە دەيىن ەكىجاقتى ۆەلوجول سالىنادى", - دەلىنگەن ءباسپاسوز حابارلاماسىندا.

قۇرمانعازى كوشەسى بويىندا مۇقانوۆ كوشەسىنەن دوستىق داڭعىلىنا دەيىنگى ۋچاسكەدە جوندەۋ جۇمىستارى اياقتالعان سوڭ شىعىس باعىتتا ءبىر باعىتتاعى كولىك قوزعالىسى قامتاماسىز ەتىلەدى.

اكىمدىكتىڭ مالىمەتىنشە، بيىلعى جىلدىڭ قىركۇيەك ايىندا كولىك قوزعالىستارىن وسىلايشا ۇيىمداستىرۋ كەدەرگى نۇكتەلەردى قىسقارتادى، اتالعان كوشەلەردە اپاتتى جاعدايلاردىڭ الدىن الىپ، اباي داڭعىلىنداعى كولىك قوزعالىسىنىڭ سالماعىن 15%-عا دەيىن قىسقارتادى.

№112 باعىتتاعى اۆتوبۋس شىعىسقا قاراي، جاروكوۆ كوشەسىنەن اباي داڭعىلى جانە مۇقانوۆ كوشەسى بويىمەن قۇرمانعازىدان شىعادى.

“The Qazaq Times”