تۇركيا يراك كۇردىستانىمەن اراداعى شەكاراسىن جاۋىپ تاستادى - دەپ حابارلايدى Haberturk تەلەارناسى.

Haberturk مالىمەتىنشە، رەسمي انكارا يراكپەن اراداعى شەكاراسىنىڭ كۇردىستان اۆتونومياسىمەن شەكتەسەتىن «حابۋر» بەكەتىن جاۋىپ تاستاعان. تۇركيانىڭ بۇنداي قادامعا بارۋىنا بۇگىن كۇردىستاندا تاۋەلسىزدىك جاريالاۋعا بايلانىستى رەفەرەندۋمنىڭ ءوتۋى سەبەپ. بۇعان دەيىن تۇركيا پرەمەر-ءمينيسترى بينالي يىلدىرىم: «ءبىز كۇردىستاندا وتەتىن رەفەرەندۋمنىڭ ناتيجەسى قانداي بولسا دا ونى زاڭسىز دەپ ەسەپتەيمىز. رەسمي انكارا ءوزىنىڭ وڭتۇستىك شەكاراسىندا قانداي دا ءبىر جاڭا مەملەكەتتىڭ پايدا بولۋىنا قارسى» - دەگەن بولاتىن.

ال كۇردىستان اۆتونومياسىنىڭ باسشىسى ماسۋد بارزاني تۇركيا، يران، يراك بيلىگىنىڭ قارسىلىعىنا قاراماستان قىركۇيەكتىڭ 25 كۇنىنە بەلگىلەنگەن رەفەرەندۋم ۋاقىتىندا وتەتىن بولادى دەگەن. سولتۇستىك يراكتا رەفەرەندۋم وتۋىنە يراندا ءوزىنىڭ قارسىلىعىن بىلدىرگەن بولاتىن. ول قازىرگى تاڭدا يراك شەكاراسى ماڭىندا اسكەري وقۋ-جاتتىعۋ جۇمىستارىن جۇرگىزۋىن باستاعان.

“The Qazaq Times”