تۇركيانىڭ سۇريامەن شەكاراسىنا قورعان تۇرعىزۋ قۇرلىسى جاقىندا اياقتالادى

«انادولى» اقپاراتتىق اگەنتتىنىڭ 22 قىركۇيەكتەگى حابارىنا قاراعاندا، تۇركيا ۇكىمەتىنىڭ جوسپارلاپ وتىرعان، تۇركيا مەن ءسۇريانىڭ شەكاراسىنا قورعان تۇرعىزۋ ءىسى قىركۇيەكتىڭ سوڭىندا اياقتادى. بۇل تۋرالى «شينلاڭ» اقپاراتتىق سايتى جازدى.

تۇركيا جاقتىڭ بەرگەن مالىمەتىنە قاراعاندا شەكارا قورعانىنىڭ ۇزىندىعى 828 شاقىرىمدى قۇرايدى. وسىعان دەيىن 731 شاقىرىمىنىڭ قۇرلىسى اياقتالعان. قالعان 97 كم قابىرعا قىركۇيەك ايىنىڭ سوڭىندا اياقتالادى دەپ كۇتىلۋدە. قورعان قابىرعاسىنىڭ بيىكتىگى 3 مەتر. قۇراما بەتوننىڭ سالماعى 7 توننا، ءارى مونيتورينگتىك جابدىقپەن جابدىقتالعان.

تۇركيانىڭ سۇريامەن شەكتەسەتىن وڭتۇستىك جانە وڭتۇستىك شىعىس شەكاراسىنىڭ جالپى ۇزىندىعى 900 شاقىرىمنان اسادى. 2011 جىلى ءسۇريادا ازاماتتىق سوعىس باستالعاننان كەيىن، تۇركياعا باسپانا سۇراپ، 3 ملن سۇريالىق شەكارادان وتكەن. تۇرىك ۇكىمەتى شەكارالىق باقىلاۋدى كۇشەيتۋ ءۇشىن 2015 جىلدان باستاپ قابىرعالاردى تۇرعىزۋ قۇرلىسىن قولعا العان. بۇدان تىس تۇركيا تامىز ايىنان باستاپ، تۇركيا-يران شەكاراسىنا 144 شاقىرىمعا سوزىلعان قورعان تۇرعىزۋدى دا باستاپ كەتكەن.

ەستەرىڭىزگە سالا كەتەيىك، ترامپ اقش پرەزيدەنتى بولىپ سايلانعاننان كەيىن، قۇرما شتاتقا كىرەتىن زاڭسىز ميگرانتتاردىڭ جولىن توسۋ ءۇشىن، اقش پەن مەكسيكا شەكاراسىنا قورعان تۇرعىزباق بولعان. العاشىندا قارسىلىققا ۇشىراعان بۇل جوبا، مەكسيكا ۇكىمەتىنىڭ دە نارازىلىعىن تۋدىرعان ەدى. الايدا، ترامپتىڭ دەگەنى بولىپ، اقش-مەكسيكا شەكارا قورعان قۇرلىسى باستالىپ كەتكەن.

“The Qazaq Times”