«يسلام مەملەكەتى» تەررورلىق ۇيىمى اقش اسكەري بازاسىنا شابۋىل جاسادى

«يسلام مەملەكەتى» لاڭكەستىك ۇيىمىنىڭ سودىرلارى اقش اسكەري بازاسىنا شابۋىل جاسادى – دەپ حابارلايدى korrespondent.net اقپارات كوزى.

قىركۇيەكتىڭ 17-ءسى كۇنى كەشكە يراكتىڭ باتىس ەربيل پروۆينتسياسىنا قاراستى ەل-كارادج ەلدى مەكەنى ماڭىندا ورنالاسقان اقش اسكەري بازاسىنا «يسلام مەملەكەتى» لاڭكەستىك ۇيىمى شابۋىل جاساعان. اقش-تىڭ «يسلام مەملەكەتى» ۇيىمىنا قارسى كۇرەس ءبولىمىنىڭ رەسمي وكىلى رايان ديلوننىڭ سوزىنشە، شابۋىل بارىسىندا تەرروريستەر جارىلعىش زاتتى ىسكە قوسقان جانە اسكەريلەر مەن اتىس كەزىندە ەكى لاڭكەس وققا ۇشقان. اسكەري بازادا بولعان ساربازداردىڭ ەشقايسىسى زارداپ شەكپەگەن.

ەستەرىڭىزگە سالا كەتەيىك، اقش اسكەري بازاسى ورنالاسقان يراك كۇردىستانى اۆتونوميالىق اۋدانىندا قىركۇيەكتىڭ 16-سى كۇنى تاۋەلسىزدىك الۋعا بايلانىستى رەفەرەندۋم ءوتۋى كەرەك بولعان. بىراق اقش بيلىگى 16-ءسى كۇنى رەفەرەندۋم وتكىزۋ «يسلام مەملەكەتى» لاڭكەستىك ۇيىمىمەن كۇرەسۋگە كەدەرگى كەلتىرەتىنىن ايتىپ، رەفەرەندۋم وتكىزۋ ۋاقىتىن قىركۇيەكتىڭ 25-ىنە شەگەرگەن ەدى.

“The Qazaq Times”