فرانتسيا قاۋىپسىزدىك قىزمەتكەرلەرى. فوتو: France 24.

فرانتسيانىڭ استاناسى پاريجدە قولىنا پىشاق العان ەر ادام كوشەدە ءبىر اسكەرگە شابۋىل جاسادى. پوليتسيا تاراۋلارى شابۋىل جاساۋشىنىڭ ۇستالعانىن جاريالادى. بۇل تۋرالى فرانتسيا اقپارات قۇرالدارىنا سىلتەمە جاساي وتىرىپ، «The Wall Street Journal» باسىلىمى حابارلادى.

پوليتسيا جاقتىڭ بەرگەن مالىمەتتەرىنە سايكەس، شابۋىل ارەكەتى سول جەردىڭ جەرگىلىكتى ۋاقىتىمەن جۇما كۇنگى تاڭعى ساعات 6 شاماسىندا، پاريجدەگى باستى مەترو ستانتسياسىندا بولعان. شابۋىلدان زارداپ شەككەندەر جوق دەپ حابارلاندى.

ايتا كەتەيىك، فرانتسيا پوليتسيا تاراۋلارى ورتالىق قالاداعى مەكتەپتەر، دەمالىس، كوڭىل كوتەرۋ ورىندارى، ءدىني ورىنداردى قورعاۋ ماقساتىندا 7000 پوليتسيا جاساعىن ورنالاستىرعان. سوڭعى كەزدەرى فرانتسيادا قاۋىپسىزدىكتى قورعاۋشى قىزمەتكەرلەرگە شابۋىل جاساۋ ارەكەتى جيىلەي تۇسكەن.

“The Qazaq Times”