رەسەي-اقش «ديپلوماتيالىق سوعىسى» شىرقاۋ شىڭىندا تۇر

رەسەيلىك «سپۋتنيك» جانە قىتايدىڭ «شينحۋا» جانە «شينلاڭ» اقپاراتتىق اگەنتتىكتەرىنىڭ بۇگىنگى حابارىنا قاراعاندا، اقش مەملەكەتتىك دەپارتامەنتىنىڭ وكىلى ەلدەگى رەسەي ەلشىلىك عيماراتىنىڭ قىزمەتكەرلەرىنە تيەسىلى تۇراق ورىندارىن جاۋىپ تاستاعانىن ايتقان. ول سوزىندە جاقىن ارادا رەسەيدىڭ وسىنداي قادامعا باراتىنىنا سەنىمدى ەكەندەرىن، اقش ءسىم تارابى رەسەيمەن كەلىسسوز جۇرگىزۋگە دايىندالىپ جاتقانىن ايتقان. بۇل تۋرالى «شينلاڭ»-نىڭ رەسمي سايتىندا جازىلدى.

ەكاتەرينبۋرگ وسىدان بۇرىن امەريكاندىق جانە بريتاندىق ديپلوماتتاردىڭ كولىك توقتاتۋىنا ارنالعان جول بەلگىلەرىن الىپ تاستاعان بولاتىن. پەتەربورداعى (سانكت-پەتەربۋرگ) اقش-تىڭ باس كونسۋلدىعى تروتۋاردا جانە زاڭسىز تۇراق ورنىنا جاقىن جەردە بولدى.

قازىر اقش پەن رەسەي اراسىنداعى «ديپلوماتيالىق سوعىس» شىرقاۋ شىڭىندا تۇر. ءبىر تاراپتىڭ ديپلوماتتارىنا جاسالعان قادام، ەكىنشى تاراپتان اينىماي قايتالانۋدا. بۇل كۇنى باتقان اقش-رەسەي ديپلوماتيالىق قاتىناسىنىڭ ءبىر كورىنىسى بولىپ بارادى. جاپپاي ديپلوماتيا قىزمەتكەرلەرىن قىسقارتۋ, ءبىر-ءبىرىنىڭ ەلشىلىكتەرىن جاۋىپ تاستاۋ سەكىلدى ىستەر سوڭعى ءۇش ايدا تاريحتاعى ەڭ ءبىر شارىقتاۋ شەگىنە جەتىپ وتىر. بۇل الداعى ۋاقىتتا ەكى ەلدىڭ باياندى قارىم-قاتىناسىنىڭ تامىرىنا بالتا شابۋى مۇمكىن.

“The Qazaq Times”