اقش يرانعا قاراتقان قىسىمدى بارعان سايىن ارتتىردى

اقش قازىنا دەپارتامەنتى 14 قىركۇيەك كۇنى 4 ۇيىم مەن 7 جەكە تۇلعاعا قاراتا سانكتسيا جاريالادى. بۇل ۇيىمدار مەن جەكە ادامدارعا «يراننىڭ بالليستيكالىق زىمىران باعدارلاماسىنا قولداۋ كورسەتتى جانە اقش قارجى جۇيەسىنە جەلىلىك شابۋىل جاسادى» دەگەن ايىپتار تاعىلعان. بۇل تۋرالى «شينلاڭ» اقپاراتتىق اگەنتتىگى حابارلاپ وتىر.

اقش قازىنا دەپارتامەنتىنىڭ سول كۇنگى مالىمەتىندە، سانكتسيالاردىڭ بۇل راۋندىندا يراننىڭ ەكى ۇيىمى قامتىلاتىنى تۋرالى ايتىلعان. سونىمەن بىرگە، ۋكراينادان ەكى ۇيىم جانە جەتى كومپيۋتەرلىك تەحنيكا بار. بۇل ۇيىمدار مەن جەكە تۇلعالار «يران بالليستيكالىق زىمىران باعدارلاماسىنا ماتەريالدىق كومەك نەمەسە تەحنيكالىق قولداۋ كورسەتكەن«» دەلىنگەن، ءارى يراننان سۇرياعا قارۋ-جاراقتار مەن جاۋىنگەرلەردى جەتكىزۋگە كومەكتەسكەن دەپ ايىپتالدى. تاعىلعان ايىپتاردىڭ اراسىندا اقش قارجى جۇيەسىنە جەلىلىك شابۋىل جاساعانى تۋرالى دا ايتىلدى.

سانكتسيانىڭ مازمۇنىندا: «اتالعان زاڭدى تۇلعالار مەن جەكە تۇلعالاردىڭ امەريكا قۇراما شتاتتارىنداعى اكتيۆتەرى توقتاتىلادى; امەريكالىقتاردىڭ ولارمەن بايلانىس ورناتۋىنا تيىم سالادى» دەلىنگەن.

قاڭتار ايىندا ترامپ اقش پرەزيدەنتى بولىپ سايلانعاننان بەرى، اقش ۇكىمەتى يراننىڭ بالليستيكالىق زىمىران باعدارلاماسىنا قاتتى شۇيلىكتى. ءارى يراننىڭ زىمىران باعدارلامالارىن شەكتەۋ ماقساتىندا بىرقاتار سانكتسيالاردى جولعا قويدى. ال، يران جاق زىمىران تەحنولوگيالارىن دامىتۋ يراننىڭ قورعانىس قۋاتىن دامىتۋداعى بۇلجىماس ستراتەگيالىق جوسپارى دەپ وتىر.

“The Qazaq Times”