اقش پرەزيدەنتى بوسقىندارعا قاتاڭ پوزيتسيا ۇستانىپ وتىر. فوتو: The Wall Street Journal.

اقش جوعارعى سوتى سەيسەنبى كۇنى بۇيرىق شىعارىپ، ترامپ ۇكىمەتىنە "بوسقىندارعا كىرۋگە تىيىم" سالۋ زاڭىن قالپىنا كەلتىرۋدى تاپسىردى. سونىمەن اقش پرەزيدەنتى ترامپتىڭ ۋاقىتشا ساياحاتقا تىيىم سالۋ تۋرالى زاڭى تاعى ءبىر مارتە تالقىعا تۇسكەلى تۇر. بۇل تۋرالى «The Wall Street Journal» باسىلىمى حابارلادى.

بۇل جارلىق بويىنشا يران، ليۆيا، سومالي، سۋدان، ءسۇريا جانە يەمەننەن اقش-قا باراتىن ساياحاتشىلارعا، سونداي-اق قۇراما شتاتتارعا كىرەتىن بوسقىندارعا ۋاقىتشا تىيىم سالادى. وتكەن اپتادا فەدەرالدى اپەللياتسيالىق سوتتىڭ ۋاقىتشا ساياحاتقا تىيىم سالۋ ساياساتى تۋرالى سوت ءىسىن جۇرگىزۋ بارىسىندا، 24 مىڭعا جۋىق بوسقىننىڭ اقش تەرريتورياسىنا كىرۋى ءتيىس بولعان ەدى. الايدا، قازىرگى شەشىم كۇيىنشە بۇل بوسقىنداردىڭ اقش تەرريتورياسىنا كىرۋگە قۇقىعى جوق.

بۇل جوعارى سوتتىڭ ترامپ ۇكىمەتىنە ماۋسىم ايىنان بەرى ءۇشىنشى رەت بەرگەن بۇيرىعى. كەزەكتى بۇيرىعى تەك ءبىر ۇزىك ءسوز رەتىندە بەرىلگەن. قارسى پىكىرلەر تۋرالى ەشقانداي مۇمكىندىك قاراستىرىلماعان.

“The Qazaq Times”