اقش-تا وتكەن جىلدىڭ سوڭىندا بولىپ وتكەن پرەزيدەنت سايلاۋىندا حيللاري كلينتون جەڭىلىسكە ۇشىرادى. ول وسىدان كەيىن جۇرت كوزىنە سيرەك شىعىپ ءجۇردى جانە ءبىر رەتكى كەزدەسۋدە ءوزىنىڭ كىتاپ جازىپ جاتقانى تۋرالى ايتقان ەدى. جاقىندا عانا ونىڭ «قانداي ىستەر تۋدى؟» دەپ اتالاتىن ەستەلىكتەر جيناعى جارىق كوردى. اتالعان كىتاپتا ول وباما، ساۋندەرس، كومي جانە باسقا دا تۇلعالاردى وز جەڭىلىسىنىڭ باستى «ايىپكەرلەرى» ەتىپ كورسەتكەن. بۇل تۋرالى CNN ارناسىنا سىلتەمە جاساي وتىرىپ، «شينلاڭ» اقپاراتتىق سايتى جازدى.

ەكى كۇن بۇرىن اتالعان تەلەارنا حيللاريدىڭ كىتابى كەلەسى اپتادا كەڭ كولەمدە ساتىلىمعا شىعارىلاتىنى تۋرالى حابارلادى. ول بۇل ەڭبەگىندە ءوزىنىڭ ساتسىزدىكتەرى تۋرالى تالداي كەلىپ: «كەيبىر ىستەر ءوزىمنىڭ قاتەلىكتەرىمنەن بولدى. ال، كەيبىر پروبلەمالار مەنىڭ باقىلاۋىمدا ەمەس ەدى»، – دەپ جازعان.

حيللاري كلينتون ءوزىنىڭ ەستەلىكتەر جيناعىندا وزىنەن كەتكەن قاتەلىكتەر ساتسىزدىگىنىڭ ءبىر سەبەبى ەكەنىن مويىنداعان. الايدا، سايلاۋدىڭ ەڭ سوڭعى اپتاسىندا كوميدىڭ ەلەكتروندى پوشتانى قايتالاي تەكسەرۋ ءىسى سايلاۋدىڭ ناتيجەسىن تۇبەگەيلى وزگەرتكەنىن ايتادى. ول كىتابىندا كوميدىڭ وسى ءبىر «قازىمىرلىعى» ونىڭ تۇراقتى ليدەرلىك سالاۋاتىنان ايىرىپ، كۇدىكتى داۋعا ىلىنگەن ساياساتكەرگە ءتۇسىرىپ قويعان. ول سونداي-اق، وبامانى اقش پرەزيدەنتتىك سايلاۋىنا رەسەيدىڭ ارالاسۋىنا ءتيىمدى جاۋاپ بەرمەگەن دەپ ايىپتادى. مىنە وسىنىڭ ءبارى حيللاريدىڭ جەڭىلىسىنە اسەر ەتكەن.

ال، Fox News ارناسىنىڭ سايتىندا جاريالانۋىنشا، حيللاري "پارتيا ىشىندە العاشقى سايلاۋ كەزىندە، ساۋندرەستىڭ العاشقى مايدانىنان اينىپ كەتكەنى دە جەڭىلىسىنىڭ ماڭىزدى ءبىر سەبەبى" دەپ بىلەتىنى تۋرالى ايتقان. مىنە وسى نەگىزگى سەبەپتەردەن سىرت، حيللاري كەيبىر امەريكالىق ازاماتتارداعى «جىنىستىق كەمسىتۋشىلىكتىڭ» دە وزىنە ساتسىزدىك الىپ كەلگەنىن مەڭزەيدى. حيللاري ءوزىنىڭ اقش-تىڭ «ءبىرىنشى حانىمى»، سەناتور، ەكى رەت پرەزيدەنت سايلاۋىنىڭ ۇمىتكەرى بولا تۇرا، امەريكالىقتارعا ۇناماعانىن كىتابىندا – «سەبەبى، مۇنىڭ ءبارى مەنىڭ ايەل بولعاندىعىمنان»، – دەپ تۇسىندىرەدى.

سونداي-اق، ونىڭ تارالعالى تۇرعان ەڭبەگىندە ءوزىنىڭ قىزمەت كەزىندەگى ساپارلارى، كەزدەسۋلەرىنەن تىس، وتباسىمەن، جۇبايى كلينتونمەن بولعان كەڭەستەرى دە قامتىلعان. قازىرگى كەزدە، اقش ءۇيدىڭ ىشكى داۋ-دامايىنا قىزىعۋشى  امەريكالىق وقىرماندار حيللاري كلينتوننىڭ «قانداي ىستەر تۋدى؟» اتتى ەڭبەگىن اسىعا كۇتىپ وتىر.

“The Qazaq Times”