كۇردتەردىڭ تارالعان ايماعى. فوتو: wordpress.com.

بيىل ماۋسىم ايىندا يراكتاعى كۇرد اۆتونومياسى 25 قىركۇيەكتى اۆتونوميانىڭ دەربەستىك الۋ رەفەرەندۋمى رەتىندە بەلگىلەگەن بولاتىن. كوپتەن بەرى كۇرد اۆتونومياسى مەن يراك ۇكىمەتى اراسىندا شيەلەنىس ۋشىعىپ كەلە جاتقان ەدى. ەكى ۇكىمەت كوپتەگەن ولكەلەردىڭ يەلىك قۇقىعى ماسەلەسىندە پىكىر قايشىلىعىنا جول بەرىپ كەلدى. اسىرەسە، مۇنايلى ولكە سانالاتىن كيركۋك ايماعىنا قاتىستى يەلىك قۇقىعى، ەكى جاقتىڭ ۇلكەن تالاس-تارتىس ماسەلەسىنە اينالدى.

كۇرد اۆتونومياسىنىڭ دەربەستىك الۋعا رەفەرەندۋم جاريالاۋى يراك جانە تۇركيا، يران قاتارلى كورشىلەس ەلدەردىڭ قارسىلىعىنا ۇشىراعان. وعان قاراماستان كيركۋك ايماعىنىڭ پارلامەنتى 29 تامىز كۇنى كۇرد اۆتونومياسىنىڭ رەفەرەندۋمىنا قاتىساتىن بولىپ شەشىم قابىلدادى.

People باسىلىمىنىڭ ونلاين قىزمەتىنىڭ حابارىندا، يراك پرەمەر-ءمينيسترى ابادي بۇل شەشىمگە قارسىلىعىن ءبىلدىرىپ، مالىمدەمە جاريالاعان. ول سوزىندە: «كۇرد اۆتونومياسى ءالى دە يراكتىڭ قۇرامىندا. سوندىقتان بۇل رەفەرەندۋم قاتە جاسالعان شەشىم. بۇل ءبىزدىڭ كونستيتۋتسياسىزدا بەلگىلەنبەگەن. ەشقانداي زاڭدى نەگىزى جوق. ءبىر جاقتى بەكىتۋمەن شەشىلمەيدى. بۇل ماسەلە يراك ورتالىق ۇكىمەتى مەن كۇرد اۆتونومياسى ورتاسىنداعى كەڭەستەر ارقىلى عانا بىرجاقتى ەتىلەدى»، – دەدى.

“The Qazaq Times”