فوتو: Canon.kz

2019 جىلعا قاراي Canon كومپانياسى جاپونيادا فوتواپپاراتتار جاساۋدى قايتا جانداندىرۋ ءۇشىن جاڭا زاۋىت سالۋدى جوسپارلاپ وتىر، دەپ جازدى RNS.

Nikkei باسىلىمىنىڭ مالىمەتىنشە، ادامداردى ەڭبەكپەن قامتۋ قىمباتقا تۇسەتىندىكتەن، كومپانيا جاپونيادا سالىناتىن ءوندىرىس ورنىن اۆتوماتتاندىرۋعا كوشپەك. ال اۆتوماتتاندىرۋدىڭ ارتىقشىلىعى - ءوندىرىستى قول جەتىمدى جانە ارزان ەتەدى.

سونداي-اق، Canon بىرقاتار ىقشامدى ساندىق فوتواپپاراتتار شىعاراتىن ءوندىرىس ورنىن جاڭا زاۋىتقا كوشىرۋى مۇمكىن. وسى جىلدىڭ قىركۇيەك ايىندا زاۋىت سالۋ ءۇشىن 300 مىڭ شارشى مەتر جەر تەلىمىن ساتىپ الۋ جوسپارلانىپ قويعاان. جوبانىڭ جالپى قۇنى 20 ميلليارد يەندى (شامامەن 181 ميلليون دوللار) قۇرايدى.

2016 جىلى Canon ونىمدەرىنىڭ 56% جاپونياداعى زاۋىتتاردا وندىرىلگەن جانە كومپانيا بۇل كورسەتكىشتى 60% -عا دەيىن ارتتىرۋدى كوزدەپ وتىر.

“The Qazaq Times”