قىرعىزستاندا ۇشاق تۇرعىن ۇيلەردىڭ ۇستىنە قۇلادى

قىرعىزستانداعى توتەنشە جاعدايلار ءمينيسترىنىڭ حابارلاۋىنشا،  بىشكەكتەگى Boeing 747 جۇك ۇشاعى قۇلاپ، شامامەن 32 ادام قازا تاپقان. اپات سالدارىنان 15 ۇيگە جوندەۋ جۇمىستارىن جۇرگىزۋ قاجەت. 

العاشىندا قازا تاپقانداردىڭ سانى 15 ەكەنى انىقتالىپ، ۇشەۋى ەكيپاج مۇشەلەرى، ونىڭ ىشىندە التى ءبۇلدىرشىن بار. ءبىر ەكيپاج مۇشەسىنە جەدەل كومەك كورسەتىلىپ جاتىر.

اپات Boeing 747 ۇشاعى بىشكەكتەگى ماناس اۋەجايىندا بولعان. وقيعا ورنىندا بىردەن ءورت شىققان. قىرعىزستانداعى ءباسپاسوز-حاتشىلىعى، بۇل ۇشاقتىڭ   Turkish Airlines-قا تيىسەلى ەكەندىگىن جەتكىزدى. ول گونكونگتان ستامبۋلعا بىشكەك ارقىلى باعىت العان بولاتىن.

«سوكۋلۋك اۋدانىندا بولعان اپات ورنىنا ءبىرىنشى ۆيتسە-پرەمەر مۋحاممەتكالىي ابۋلگازيەۆ، تجم باسشىسى كۋباتبەك بورونوۆ جانە جول جانە كوممۋنيكاتسيا مينيسترلىگىنىڭ وكىلى جامشيتبەك كاليلوۆ كەلەدى»، – دەپ حابارلايدى ريا ءنوۆوستيدىڭ قىرعىزستانداعى ءتىلشىسى.

اۋەجايدىڭ ءباسپاسوز حاتشىلىعى، قازىرگى ۋاقىتتا وسى اپات جاعدايىنا بايلانىستى ماناس اۋەجايى جابىق تۇرعانىن حابارلايدى.

«The Qazaq Times»