فوتو عالامتور بەتتەرىنەن الىندى.

ەگيپەتتىڭ اۋىلدى وڭىرلەرى مەن شالعاي ەلدىمەكەندەرىندە بالا تۋ دەڭگەيى باقىلاۋعا الىنىپ، حالىققا وتباسىن جوسپارلاۋ ادىستەرىن ءتۇسىندىرۋ جۇمىستارى باستالدى. ابدەل فاتتاح ءال-ءسيسيدىڭ ايتۋىنشا، حالىق سانىنىڭ قارقىندى ارتۋى ەگيپەتتىڭ باستى ماسەلەلەرىنىڭ ءبىرى بولىپ وتىر.

93 ملن حالقى بار ەگيپەت اراب مەملەكەتتەرىنىڭ اراسىندا حالقى ەڭ تىعىز ورنالاسقان مەملەكەتتەر قاتارىنا جاتادى. ساراپشىلاردىڭ بولجامىنا سايكەس، 2030 جىلعا قاراي قازىرگى حالىق سانى 128 ميلليونعا جەتۋى مۇمكىن.

وتكەن ايدا بولعان جاستار فورۋمىندا ءسوز العان ەل پرەزيدەنتى: "ەگيپەتتىڭ دامۋىنا كەدەرگى بولىپ وتىرعان ەكى ماسەلە بار. ولار تەرروريزم مەن حالىق سانىنىڭ جىلدام ءوسۋى", - دەدى.

اۋىلدى وڭىرلەردە دەموگرافيالىق ءوسىمنىڭ ەداۋىر ۇلكەن بولۋىنىڭ ءبىر سەبەبى جەرگىلىكتى حالىقتىڭ بالا سانىن جوسپارلاپ، شەكتەۋ يسلام قاعيداتتارىنا قايشى كەلەدى دەگەن سەنىمىنە بايلانىستى.

ەگيپەتتىڭ بۇرىنعى پرەزيدەنتى حوسني مۇباراكتىڭ حالىق سانىن رەتتەۋگە قاتىستى باعدارلاماسى بولعانىمەن، ۇكىمەت وتباسىن جوسپارلاۋ ماسەلەسىمەن العاش رەت مەملەكەتتىك دەڭگەيدە اينالىسىپ وتىر.

“The Qazaq Times”