بۇگىن جاپونيا مەن اقش باسشىلارى سولتۇستىك كورەياعا قارسى جاڭا كەلىسىمگە كەلدى

اقش-تاعى «The Wall Street Journal» باسىلىمىنىڭ ونلاين قىزمەتىنىڭ حابارلاۋىنشا، سولتۇستىك كورەيانىڭ بالليستيكالىق زىمىرانى بۇگىن تاڭدا (استانا ۋاقىتىمەن شامامەن 02:00 شاماسىندا) جاپون ارالىنىڭ كەڭىستىگىنەن ۇشىپ وتكەن سوڭ، بىرنەشە ساعاتتان كەيىن، جاپونيا پرەمەر-ءمينيسترى شينزو ابە (Shinzo Abe) اقش پرەزيدەنتى دونالد ترامپقا قوڭىراۋ شالعان. ەكى ەلدىڭ باسشىلارى وسى ماسەلە تۋرالى 40 مينۋت مولشەرىندە كەڭەسكەن.

سويلەسۋدەن كەيىن جاپونيا پرەمەر-ءمينيسترى ءباسپاسوز ءماجىلىسىن وتكىزگەن. مالىمدەمەدەن بەلگىلى بولعانداي، ترامپ پەن ابە سويلەسۋ كەزىندە اقش، جاپونيا، وڭتۇستىك كورەيا جانە وزگە مەملەكەتتەرمەن كەلىسە وتىرىپ، سولتۇستىك كورەياعا باعىتتالاتىن قىسىمدى ودان سايىن ارتتىرا تۇسۋگە كەلىسكەن.

جاپون باس ءۋازىرىنىڭ سوزىنە قاراعاندا، اقش پرەزيدەنتى جاپونيانىڭ قاۋىپسىزدىگىن قورعاۋعا كەپىلدىك بەرگەن. ايتا كەتەيىك، سولتۇستىك كورەيانىڭ بۇگىنگى ۇشىرعان بالليستيكالىق زىمىرانى 2700 شاقىرىمعا ۇشىپ، جاپونيانىڭ حوككايدو ۇلكەن ارالىنىڭ كەڭىستىگىنەن ۇشىپ وتكەن. كورەي تۇبەگىنەن كوتەرىلگەن زىمىران ءبىر ساعاتتان كەيىن جاپون ارالدارىنىڭ كەڭىستىگىندە بولعانى حابارلانعان.

“The Qazaq Times”