قىتاي سولتۇستىك كورەيا كاسىپورىندارىمەن جۇمىسىن توقتاتتى

قىتايدىڭ ساۋدا مينيسترلىگى جۇما كۇنى كەشكە سولتۇستىك كورەيا كاسىپورىندارىنا قىتايلىق كاسىپكەرلەرمەن بىرلەسكەن جاڭا جوبالاردى جۇزەگە اسىرۋعا تىيىم سالاتىن قۇجاتقا قول قويدى. بۇل شەشىم بۇۇ-نىڭ بارلىق الەم مەملەكەتتەرىنەن سولتۇستىك كورەيامەن ەكونوميكالىق بايلانىستاردى ءۇزۋدى تالاپ ەتەتىن  رەزوليۋتسياسى اياسىندا قابىلدانىپ وتىر. اتالعان اقپاراتتى ءال-جازيرا اقپاراتتىق اگەنتتىگى تاراتتى.

مينيسترلىكتىڭ سايتىندا جاريالانعان اقپاراتقا سايكەس، قىتايدىڭ كاسىپكەرلىك سۋبەكتىلەرىنە سولتۇستىك كورەيا ازاماتتارىمەن بىرگە زاڭدى تۇلعالارىنىڭ قاتىسۋىمەن بيزنەسىن كەڭەيتۋگە، جاڭا جوبالار باستاۋعا، باستالعان ارىپتەستىكتى جالعاستىرۋعا تىيىم سالىنادى.

سونداي-اق قىتايدىڭ ينۆەستورلارى سولتۇستىك كورەيا ەكونوميكاسىنا قارجى قۇيا المايدى. اتالعان شەشىم بىردەن كۇشىنە ەنەتىنى حابارلاندى.

بۇۇ، اقش، قىتاي، جاپونيا مەن ۇلىبريتانيانىڭ كحدر-عا قارسى سالىپ وتىرعان سانكتسيالارى ەكونوميكالىق قىسىم كورسەتۋ ارقىلى سولتۇستىك كورەيانى يادرولىق قارۋدان باس تارتقىزۋعا باعىتتالعان.

“The Qazaq Times”