اقش-تىڭ تەحاس شتاتىندا باستالعان حارۆي داۋىلى قاۋىپتى 4-دەڭگەيگە جەتىپ، نوسەر جاڭبىر مەن ەكپىنى قاتتى جەلدىڭ اسەرىنەن اعاشتار قۇلاپ، جەرگىلىكتى حالىق جارىقسىز قالدى. بۇل تۋرالى CNN اقپاراتتىق اگەنتتىگى جازدى. 

اۋا-رايى بولجامىنا جاۋاپتى ماماندار داۋىل ءدال وسى ەكپىنمەن تاعى ءبىر اپتاعا نە ءبىر ايعا ۇلاسسا، تەحاس شتاتى ادام مەكەندەۋگە جارامسىز ايماققا اينالۋى مۇمكىن دەپ حابارلادى.

وسىعان ۇقساس قاۋىپتىلىگى جونىنەن 4-دەڭگەيگە جەتكەن  تابيعاتتىڭ توسىن قۇبىلىسى 2004 جىلى بولعان. ول كەزدەگى داۋىلدىڭ سالدارى تۋرالى دەرەكتەر ءارتۇرلى بولعانىمەن، شامامەن 2 مىڭ ادامنىڭ ومىرىنە قاۋىپ ءتونىپ، بيۋدجەتكە 108 ملرد اقش دوللارى كولەمىندە شىعىن كەلگەن دەپ باعالانعان.

جەرگىلىكتى باسشىلىق شتاتتا قالۋعا شەشىم قابىلداعان حالىققا بۇل داۋىل 1-2 كۇندە اياقتالاتىن قۇبىلىس ەمەس ەكەنىن ەسكەرۋگە كەڭەس بەرەدى. قازىر توتەنشە جاعدايلار باسقارماسى بارلىق اپاتتى جاعدايلاردىڭ الدىن-الۋعا كۇش سالىپ جاتىر.

“The Qazaq Times”