سوت جانە Facebook. فوتو: تەحنو bigmir)Net.

اقش-تىڭ ماياميدەگى فەدەرالدىق اپەللياتسيالىق سوتىنىڭ شەشىمى بويىنشا، سۋديانىڭ Facebook پاراقشاسىندا ادۆوكاتتارمەن، وزگە دە پايدالانۋشىلارمەن  دوستاسۋىنا رۇقسات ەتىلدى. سارسەنبىدە شىعارىلعان بۇل شەشىم اقش-تاعى سوت پروتسەسى مەن سۋديالار اراسىنداعى الەۋمەتتىك مەديا قاتىناستاردىڭ زاڭدىلىعىنا قاتىستى سوڭعى شەشىم بولىپ تابىلادى. بۇل تۋرالى “The Wall Street Journal” باسىلىمى حابارلادى.

وسىعان دەيىن اقش زاڭى «ۆيرتۋالدى دوستىق» انىقتاماسىنا باسقاشا قاراپ كەلدگەن. ايتالىق، ولار سۋديانىڭ الەۋمەتتىك جەلىلەردەگى دوستارىمەن بولعان قارىم-قاتىناستىڭ سوت شەشىمىنە اسەرىن تيگىزۋىنە الاڭداپ كەلگەن. الايدا، سۋديالاردىڭ الەۋمەتتىك جەلىلەردە «ۆيرتۋالدى دوستارىنىڭ» كوبەيۋىن زاڭدىق جاقتان شەكتەۋ ورىنسىز دەپ قارادى.

امەريكالىق ادۆوكاتتار قاۋىمداستىعى 2013 جىلى الەۋمەتتىك مەديانى پايدالانۋ تۋرالى سۋديالارعا ەسكەرتۋ جاساعان بولاتىن. قاۋىمداستىق «ىسكەرلىك ادەپ كودەكسىندە»، الەۋمەتتىك مەديا سۋديالاردىڭ وزگەلەرمەن ايرىقشا بايلانىستا بولۋىنا كومەكتەسەدى دەپ قارالعان. ءارى، سۋديالاردىڭ «دوستىققا قوسۋ»، «ءبولىسۋ»، «ۇناتۋ» سەكىلدى الەۋمەتتىك جەلىدەگى قيمىلدارى قاداعالاۋعا ۇشىراعان.

فلوريدا شتاتىنىڭ ءۇشىنشى اۋداندىق سوتىنىڭ ءۇش ادامدىق سۋديا توبىمەن شىعارعان شەشىم بويىنشا، Facebook-تەگى دوستارىمەن قارىم-قاتىناستارى سۋديانىڭ شەشىمىنە اسەر ەتپەيدى دەپ تابىلدى. سەبەبى، بۇگىنگى قوعامدا Facebook قاتارلى الەۋمەتتىك جەلىدەگى «دوستىق» قارىم-قاتىناس ناقتى ومىردە پايدالانۋشىنىڭ جاقىندىق دارەجەسىن تۇسىندىرە المايدى دەپ قارايدى.

“The Qazaq Times”