فوتو عالامتور بەتتەرىنەن الىندى.

اقش پرەزيدەنتى دونالد ترامپ پاكىستانعا قارسى قاتاڭ ساياسات جۇرگىزەتىنىن جاريالادى. ءوز سوزىندە اق ءۇيدىڭ باسشىسى: "پاكىستاننىڭ تەرروريستەر ءۇشىن باس ساۋعالايتىن قاۋىپسىز مەكەن بولۋىنا مۇنان ءارى كوز جۇمىپ قاراپ وتىرا المايمىز. پاكىستان بىزبەن ارىپتەستىك ورناتۋ ارقىلى كوپ ارتىقشىلىقتارعا قول جەتكىزە الادى نەمەسە كەرىسىنشە، تەرروريستەرگە قايتا جۇگىنۋ ارقىلى كوپ مۇمكىندىگىن جوعالتادى" دەپ، ەكىۇشتى تاڭداۋ ۇسىندى. 

امەريكا باسشىسى پاكىستاندى اۋعانىستانداعى تەرروريستەرگە قارسى كۇرەستى قولداۋعا شاقىردى. سونداي-اق ءۇندىستاننان ەكونوميكالىق، الەۋمەتتىك كومەك كۇتەتىنىن، ونىڭ ىقپالىنا ۇلكەن ءۇمىت ارتاتىنىن ايتتى.

ء"بىز پاكىستانعا قانشاما ميللياردتاعان قارجى قۇيىپ كەلەمىز. ال ولار ءبىز قارسى كۇرەسىپ وتىرعان تەرروريستەردى قولداعانى دۇرىس ەمەس", - دەدى ترامپ.

اۋعانستانعا قاتىستى جاڭا ستراتەگيانى جاريالاۋ بارىسىندا دونالد ترامپ تاليبانداردىڭ اسكەري كۇشپەن جەڭىسكە جەتە المايتىنىن اتاپ ءوتىپ، قازىر كەلىسىمگە كەلەتىن ۋاقىت ەكەنىن ەسكەرتتى. بۇل ارقىلى امەريكا باسشىسى الداعى ۋاقىتتا تاليباندارمەن ءوزارا بەيبىتشىلىك ورناتۋ تۋرالى كەلىسسوزدەر جۇرگىزۋ مۇمكىن بولاتىنىن اشىپ ايتتى.

“The Qazaq Times”