الماتىدا قوقىستى سۇرىپتايتىن كەشەن سالىنادى

الماتى قالاسىنادا Green Recycle دەپ اتالاتىن قوقىس سۇرىپتايتىن كەشەننىڭ قۇرىلىسى باستالدى. 

تەحنيكا-ەكونوميكالىق نەگىزدەمە بويىنشا ينۆەستيتسيا قۇنى 5,3 ملرد تەڭگەنى قۇرايدى.

زاۋىت 2018 جىلدىڭ ماۋسىمىندا، قاتتى تۇرمىستىق قالدىقتاردى (قتق) شىعارۋعا تىيىم سالىنعانعا دەيىن ىسكە قوسىلادى. سۇرىپتاۋ قابىلەتى تاۋلىگىنە 1,5 مىڭ توننا جانە جىلىنا 500 مىڭ توننا بولادى. بارلىعى 600 جۇمىس ورنى قۇرىلادى. سالىق جانە مەملەكەتتىك بيۋدجەتكە اۋدارىمدار جىلىنا 300 ملن تەڭگەنى قۇرايدى.

كومپانيا ديرەكتورى دميتري دانيلچەنكونىڭ سوزىنشە، يتاليالىق قۇرىلعىنىڭ كومەگىمەن قوقىستىڭ جالپى ماسساسىنان پايدالى دۇنيەلەر سۇرىپتالىپ شىعادى (اينەك، پلاستيكا، مەتالل، كارتون ت.ب.).

ء"بىز جەردى تولىعىمەن ساتىپ الدىق. جابدىقتىڭ قۇنىنىڭ 35%-ى قارجىلاندى. ءبىر جىلدا زاۋىت قۇرىلىسىن اياقتاۋدى جوسپارلاپ وتىرمىز. ءبىرىنشى جىلى قوقىس تەك سۇرىپتالادى.  ولار پلاستيكا قالپىندا رەسەي مەن وزبەكستانعا ەكسپورتتالادى. كەيىن شيكىزات كوبەيگەن سوڭ قايتا وڭدەيتىن زاۋىت سالامىز", - دەيدى ول.

دانيلچەنكو قارجى "دامۋ" قورىنىڭ سۋبسيديالاۋ باعدارلاماسى ارقىلى 7%-بەن Qazaqbanki-نەن الىنعانىن اتاپ ءوتتى. وتەمدى تولەۋ بەس-جەتى جىلعا جوسپارلانعان.

“The Qazaq Times”