فوتو: argumenti.kg

قىرعىزستاننىڭ پرەمەر-ءمينيسترى سوورونباي جەەنبەكوۆ ەلدە بولاتىن پرەزيدەنت سايلاۋىنا قاتىسۋ ءۇشىن وتستاۆكاعا كەتەدى. بۇل تۋرالى ول ۇكىمەت وتىرىسى كەزىندە مالىمدەدى، دەپ حابارلايدى ريا نوۆوستي. 

بۇدان بۇرىن قىرعىزستاننىڭ سايلاۋ كوميسسياسىنىڭ ورتالىعى جەەنبەكوۆكە كانديداتتىق تولقۇجات بەرگەن جانە ول پرەزيدەنت سايلاۋىنا قاتىسۋعا رەسمي تىركەلگەن  ۇشىنشى تۇلعا. بۇعان دەيىن پرەزيدەنتتىككە كانديدات رەتىندە بۇرىنعى پرەمەر - "اق-شۋمكار" پارتياسىنىڭ پارتياسىنىڭ كوشباسشىسى تەمىر ساريەۆ جانە دەپۋتات، "رەسپۋبليكا" پارلامەنتتىك پارتياسىنىڭ كوشباسشىسى ومۋربەك بابانوۆ تىركەلگەن.

ەلدىڭ زاڭىنا سايكەس، پرەزيدەنتتىككە كانديدات رەتىندە تىركەلگەننەن كەيىن مينيسترلەر كابينەتىنىڭ باسشىسى ۋاقىتشا قىزمەتىن توقتاتىپ نەمەسە وتستاۆكاعا كەتۋى ءتيىس.

"سايلاۋ كوميسسياسىنىڭ ورتالىعى مەنىڭ كانديداتۋرامدى تىركەدى. سايلاۋدىڭ ءادىل ءوتۋى ءۇشىن مەن بۇگىن قىزمەتىمدى تاپسىرامىن", - دەدى ول ۇكىمەت وتىرىسىندا.

ال سايلاۋ وتكەنشە ۋاقىتشا ۇكىمەت باسشىسى قىزمەتىنىڭ مىندەتىن ءبىرىنشى ۆيتسە-پرەمەر مۋحاممەتكالىي ابۋلگازيەۆ اتقارادى.

ايتا كەتەيىك، قىرعىزستاندا پرەزيدەنت سايلاۋى 2017 جىلدىڭ 15 قازانىندا بولادى.

“The Qazaq Times”