سەلمان جانە يبن سەلمان. فوتو: ينوسمي.

ساۋد ارابياسىنىڭ SPA حابار ارناسىنىڭ حابارىنا قاراعاندا، ساۋد پاتشاسى سەلمان كاتارلىق قاجىلارعا مەككە قالاسىنا كىرۋگە رۇقسات ەتكەن. ول كاتاردان ساۋد ارابياسىنا قاجىلىق وتەۋگە باراتىن قاجىلاردىڭ الدىن الا رۇقسات الماي-اق، قۇرلىق جانە اۋە جولدارىن تاڭداۋىنا كەلىسىم بەردى. بۇل تۋرالى «اناتولى» اگەنتتىگىنىڭ رەسمي سايتى جازدى.

كورول سەلمان حانزادا مۇحاممەد يبن-سەلماننىڭ كاتار قاجىلىق وتەۋشىلەرگە ءبىر شەكارا بەكەتىن اشىپ بەرۋ ۇسىنىسىن قابىلداعان. سونىمەن بىرگە قۇجاتتىق جۇمىستار ەلەكتروندى تۇردە جۇرگىزىلمەك. كاتار مەن ساۋد ارابياسى اراسىنداعى قارىم-قاتىناستىڭ سالقىنداپ تۇرعان شاعىندا سەلماننىڭ بۇل قادامى كاتار داعدارىسىنا از بولسا دا سەرپىن بەرۋى مۇمكىن.

ەكى ەلدىڭ كورولى مەن ءامىرىنىڭ وتباسى اراسىندا تىعىز بايلانىستىڭ بار ەكەنى انىق. كەيبىر كەلىسىمدەر مەن قايشىلىقتار دا بيلەۋشىلەر وتباسىنىڭ اراسىندا الدىمەن تۋىلادى. بۇل جولى دا كاتار ءامىرىنىڭ وتباسى مەن حانزادا يبن-سەلمان اراسىنداعى كەلىسىمدەر ارقىلى كاتارلىق قاجى وتەۋشىلەر ساۋد ارابياعا كىرە الاتىن بولدى.

“The Qazaq Times”