كانادادا ۇستالعان قازاقستاندىق حاككەر كارىم باراتوۆ اقش-قا ەكستراديتسيالاناتىن بولدى، دەپ حابارلايدى Associated Press اقپارات اگەنتتىگى.

22 جاستاعى كارىم باراتوۆتى اقش-قا ەكستراديتسيالاۋعا بايلانىستى سوت وتىرىسى قىركۇيەك ايىندا ءوتۋى كەرەك بولعان. الايدا باراتوۆ ءوز ەركىمەن امەريكاعا ەكستراديتسيالانۋعا كەلىسكەن. ونىڭ قورعاۋشىسىنىڭ ايتۋىنشا، باراتوۆتىڭ بۇل شەشىمى سوتتىڭ تەزىرەك اياقتالۋىنا كومەگىن تيگىزەدى.

اقش پروكۋراتۋراسىنىڭ مالىمەتىنشە، كارىم باراتوۆ رەسەي فەدەرالدى قاۋىپسىزدىك قىزمەتىنە جۇمىس ىستەگەن. ول ۇستالعانعا دەيىن Yahoo الەۋمەتتىك جەلىسىندەگى 500 ميلليون جەكە پوشتانى بۇزعان.

كارىم باراتوۆ كانادا ازاماتتىعىن 2011 جىلى العان. ول Yahoo سايتىنا شابۋىل جاسادى دەگەن كۇدىكپەن ناۋرىز ايىنىڭ 15-ءى كۇنى قاماۋعا العان.

“The Qazaq Times”