اقش "حيزبۋل مودجاحەدتەرى" توبىن شەتەلدىك تەرروريستىك ۇيىم دەپ تاۋىپ، قارا تىزىمگە قوستى. ءۇندىستان بيلىگى امەريكانىڭ بۇل ارەكەتىن قولداپ، "كاشميردەگى ەڭ ۇلكەن قارۋلانعان توپتىڭ جەرگىلىكتى حالىققا قارسى قانداي ارەكەتتەر جاساعانىن بارلىعىمىز بىلەمىز. ولاردىڭ قارا تىزىمگە ەنگىزىلۋى، مەملەكەتتەردىڭ مودجاحەدتەرگە قارجىلاي كومەك بەرۋىن توقتاتادى", - دەپ مالىمدەدى.
ءۇندىستاننىڭ رەسمي مالىمدەمەسى پاكىستاننىڭ نارازىلىعىنان كەيىن جاسالدى. پاكىستاننىڭ سىرتقى ىستەر ءمينيسترى نافيس زاكاريا: ء"بىز اقش-تىڭ بۇل ارەكەتىن قولدامايمىز. كاشميردىڭ ساياسي تۇرعىدان ءوزىن-ءوزى انىقتاۋ قۇقىعى ءۇشىن كۇرەسىپ جاتقان توپتى تەرروريستەر دەپ ايىپتاۋ زاڭسىز", - دەگەن بولاتىن.
ماۋسىم ايىندا امەريكا ۇكىمەتى "حيزبۋل مودجاحەدتەرىنىڭ" باسشىسى سايد ءسالاحۋدديندى "تەرروريست" دەپ اتاعان ەدى.
"حيزبۋل مودجاحەدتەرى" ءۇندىستان مەن پاكىستان اراسىنداعى تەرريتوريالىق داۋعا سەبەپكەر كاشمير ايماعىندا ءۇندىستاننىڭ بيلىك جۇرگىزۋىنە قارسىلىق كورسەتىپ كەلە جاتقان قارۋلى توپ. ءۇندىستان بيلىگى پاكىستان حيزبۋل مودجاحەدتەرىنە قارۋ-جاراق بەرىپ، قارجىلاي قامتاماسىز ەتىپ وتىر دەپ ەسەپتەيدى.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەديدەنتسيا سوتى. سەرىك كەكىلباەۆ: مەنىڭ ارەكەتتەرىمدە قىلمىستىڭ قۇرامى جوق
كارانەەۆ: تاعىلعان ايىپتىڭ ەشقايسىسىن مويىندامايمىن
رەزيدەنتسيا ىسىندەگى سۋديا مەن بەلسەندىنىڭ ايتىسى
9 ايدىڭ ىشىندە الماتى مەن جەتىسۋ وبلىستارىندا قۇرىلىسى اياقتالعان جولداردان 481 اقاۋ انىقتالعان
وتانعا ورالعان قانداس بەيىمدەلۋى نەمەسە قانداستار مەن قازاقستانداعى ميگرانتتاردى اقپاراتتىق قولداۋ جانە الەۋمەتتىك بەيىمدەۋدىڭ مەديا-ستراتەگياسى