لەونەل مەسسي بارسەلونا حالقىنا كوڭىل ايتتى

«بارسەلونا» فۋتبول كلۋبىنىڭ ويىنشىسى لەونەل مەسسي كەشە تامىزدىڭ 17-ءسى كۇنى بارسەلونا قالاسىندا بولعان لاڭكەستىك شابۋىلدىڭ قۇرباندارىنا كوڭىل ايتتى.

مەسسي ءوزىنىڭ Instagram پاراقشاسىنا: «مەن ءبىزدىڭ سۇيىكتى بارسەلونامىزدا بولعان لاڭكەستىك شابۋىل قۇرباندارىنىڭ جاقىندارىنا قايعىرا كوڭىل ايتامىن جانە زورلىق-زومبىلىقتىڭ كەز كەلگەن تۇرىنەن باس تارتۋعا شاقىرامىن. ءبىز جاۋىزدىققا جول بەرمەۋىمىز قاجەت. سەبەبى ءبىز ولاردان كوپپىز» - دەگەن.

ەستەرىڭىزگە سالايىق، كەشە تامىزدىڭ 17 كۇنى بارسەلونا قالاسىنىڭ ورتالىعىندا بولعان تەررورلىق شابۋىلدان 100-دەن اسا ادام جاراقات الىپ، 13 ادام كوز جۇمعان بولاتىن.

“The Qazaq Times”