دونالد ترامپ پەن ستيۆەن بەننون. فوتو: ۆۆس.

اقش قىتايمەن «ەكونوميكالىق سوعىس» جاعدايىندا تۇر – دەپ مالىمدەدى ەل پرەزيدەنتى دونالد ترامپتىڭ ستراتەگيالىق سۇراقتار بويىنشا كەڭەسشىسى ستيۆەن بەننون.

ستيۆەن بەننون جۋرناليستەر الدىندا سويلەگەن سوزىندە: «ءبىز قازىرگى تاڭدا قىتايمەن «ەكونوميكالىق سوعىس» جاعدايىندا تۇرمىز. 25-30 جىلدان كەيىن ەكى ەلدىڭ بىرەۋى گەگەمونعا اينالادى. وسى جولدا ءبىز ءبىر ورىنىمىزدا تۇرالاپ قالاتىن بولساق، وندا ول رولدە ولار بولادى. ەگەر ءبىز الداعى ۋاقىتتا دا جەڭىلە بەرەتىن بولساق، 5-10 جىلدان كەيىن ول جەڭىلىستىڭ ورىنىن تولتىرۋ مۇمكىن ەمەس بولادى» - دەگەن.

ايتا كەتەيىك، بۇعان دەيىن اقش پرەزيدەنتى دونالد ترامپ  ساۋدا وكىلى روبەرت لايتحايزەرگە قىتايدىڭ ساۋدا-ەكونوميكالىق ىسىنە تەرگەۋ جۇرگىزۋ تۋرالى تاپسىرما بەرىپ، بىرنەشە جارلىقتارعا قول قويعان حابارلانعان بولاتىن. ول ەندى وسىلايشا قىتايدان كەلەتىن تاۋارلارعا تەكسەرىس جۇرگىزبەك.

“The Qazaq Times”