«الماتى قالاسىنىڭ كولىك حولدينگى» جشس سارالانعان تاريف ەنگىزىلگەننەن كەيىنگى ەكى اپتانىڭ قورىتىندىسى بويىنشا مالىمەتتەردى جاريالادى. مالىمەتتەر بويىنشا "وڭاي" كارتاسىمەن جۇرگىزىلگەن ترانزاكتسيالار كولەمى 7 584 651 ترانزاكتسياعا جەتكەن. بۇل الدىڭعى ەكى اپتا (شىلدەنىڭ 18-31 ارالىعىندا) تىركەلگەن ترانزاكتسيالار كولەمىنەن 2 ەسە جوعارى. ول كەزدەگى كورسەتكىش - 3 466 599 ترانزاكتسيا بولعان.
ال جولاقىنى قولما-قول اقشامەن تولەۋ كورسەتكىشى 2 134 371-دەن 477 376 دەيىن ءتۇسىپ، 4 ەسە كەمىگەن.
الماتى قالاسى اۆتوپاركتەرىنىڭ ءتۇسىمى سوڭعى ەكى اپتادا 524 487 940 تەڭگەگە جەتىپ وتىر. بۇل شىلدەنىڭ سوڭعى ەكى اپتاسىندا تىركەلگەن سوما - 314 249 570 تەڭگەدەن 67% جوعارى.
حولدينگتىڭ مالىمەتىنشە، تامىز ايىنىڭ ءبىرىنشى جانە ەكىنشى اپتالارىنىڭ ناتيجەلەرىن سالىستىرعاندا "وڭاي" كارتاسىمەن جۇرگىزىلگەن ترانزاكتسيالار كولەمى 518 568-دەن 564 984 جەتىپ، 9% ارتقان. ال، قولما-قول اقشامەن جۇرگىزىلگەن ترانزاكتسيالار - 307 275-تەن 170 101 دەيىن تومەندەپ، 45%-عا كەمىدى.
سارالانعان تاريف ەنگىزىلگەنىمەن، جولاقىنىڭ نەگىزگى ءتاريفى (80 تەڭگە) مەن بارلىق جەڭىلدىكتەر وزگەرىسسىز قالدى.
ايتا كەتەيىك، وسى جىلدىڭ ءبىرىنشى تامىزىنان باستاپ جولاقى قولما-قول تولەۋشىلەر ءۇشىن 150 تەڭگەگە قىمباتتادى. ال "وڭاي" ەلەكتروندى كارتاسى، SMS جانە بانكت كارتالارى ارقىلى تولەنگەن جاعدايدا جولاقى 80 تەڭگەنى قۇرايدى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
قاراعايعا قارسى بۇتاق. دۋماننىڭ سوت تەرگەۋى اياقتالدى. 29 شىلدە ءجارىسسوز.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى