يراكتا تالل-افاردى قايتارىپ الۋ شايقاسى باستالىپ كەتتى

يراكتا دايش كۇشتەرىنىڭ سوڭعى بەكىنىسى سانالاتىن، ەلدىڭ سولتۇستىگىندە ورنالاسقان  تالل-افاردى قايتارىپ الۋ سوعىسى باستالىپ كەتتى. يراك ۇكىمەت ارمياسى قۇرلىقتىق كۇشتەردىڭ گەنەرال مايورى شەمسەتتين مۇحاممەد انبەري دايش-قا قارسى حالىقارالىق كواليتسياعا تيەسىلى F-16 جويعىش ۇشاقتارىنىڭ تالل-افار قالا ورتالىعىنا جانە قالا ماڭىنداعى تەررورلاردىڭ بەكىنىسىنە 13 مارتە اۋە شابۋىلىن جاساعان. يراك اسكەريىنىڭ ايتۋىنشا، وپەراتسيا ءتۇن ورتاسىندا جۇرگىزىلگەن. بۇل تۋرالى «اناتولى» اقپاراتتىق اگەنتتىگىنىڭ سايتى جازدى.

انبەريدىڭ ايتۋىنا قاراعاندا يراك كۇشتەرى تالل-افار قالاسىن زەڭبىرەكتەرىمەن اتقىلاپ، دايش-كە قارسى حالىقارالىق كواليتسياعا قولداۋ كورسەتكەن. ءبىر ساتتىك اۋە جانە قۇرلىقتا جاسالعان شابۋىل ونداعى تەررورلارعا اۋىر سوققى بولعانى انىق دەيدى يراك اسكەريى.

تالل-افار يراكتاعى ەكىنشى ۇلكەن قالا سانالاتىن موسۋلدان باتىسقا قاراي 63 شاقىرىم جەردە ورنالاسقان. دايش-تىڭ يراكتاعى ەڭ سوڭعى بەكىنىسى. وسىدان بۇرىن حالىقارالىق كواليتسيا جەتەكشىسى تالل-افاردا 2 مىڭنان اسا دايش سودىرلارىنىڭ بار ەكەنىن ايتىپ، قالانى ازات ەتۋدىڭ ءبىرشاما قيىن بولاتىنىن ەسكەرتكەن ەدى.

“The Qazaq Times”