فوتو: ic24.kz

ۇلتتىق ەكونوميكا مينيسترلىگى قازاقستاننىڭ حالىق سانىنا قاتىستى ستاتيستيكالىق مالىمەتتى جاريالادى.

سونىمەن ماۋسىم ايىندا قازاقستاننىڭ حالىق سانى 20,2 مىڭ ادامعا كوبەيگەن. قر ۇەم-ءنىڭ 1 شىلدەدەگى ستاتيستيكالىق مالىمەتى بويىنشا قازاقستاندا 18 ملن 34,4 مىڭ ادام بار، ال ماۋسىمدا حالىق سانى 18 ملن 14,2 مىڭ ادامعا تەڭ بولعان.

وسى جىلدىڭ العاشقى جارتى جىلدىعىندا حالىق سانىنىڭ جالپى ءوسىمى 112,5 مىڭ ادام بولعان. بۇل وتكەن جىلدىڭ سايكەس كەزەڭىمەن سالىستىرعاندا 12,3 مىڭعا از.

2017 جىلدىڭ قاڭتار-ماۋسىم ايى ارالىعىندا قازاقستاندا 189,2 مىڭ ءسابي دۇنيەگە كەلگەن جانە بۇل دا 2016 جىلدىڭ جارتى جىلدىعىمەن سالىستىرعاندا 6,4 پايىزعا از. ال قايتىس بولعان ادامداردىڭ سانى 0,8 پايىزعا ازايىپ، 66,6 مىڭ ادامدى قۇراعان.

سونداي-اق، 2017 جىلدىڭ رەسپۋبليكادا 59 مىڭ نەكە تىركەلگەن. ال وسى كەزەڭدە اجىراسقاندار سانى كوبەيىپ، 26785-كە جەتكەن. 2016 جىلدىڭ جارتى جىلدىعىنداعى كورسەتكىش - 25193.

بۇدان بولەك، رەسپۋبليكادان جارتى جىلدىقتا 15063 ادام كەتىپ، ولاردىڭ ۇلەسى 6 پايىزعا ارتقان. كەلگەندەر سانى - 8663 ادام. كورسەتكىش 38 پايىزعا جوعارى. وسىلايشا ميگراتسيانىڭ كەرى سالدوسى 6400 ادامدى قۇرادى.

“The Qazaq Times”