كاتار قازاقستاندى قامتىعان 80 ەلگە ۆيزاسىز رەجيم ورناتقانىن جاريالادى

اراب ەلدەرى كاتاردان ديپلوماتيالىق قاتىناسىن ءۇزىپ، كاتار داعدارىسىن ورناتقالى بەرى، كاتاردىڭ ديپلوماتيالىق داعدارىسى ءوڭىردىڭ باستى قايشىلىقتارىنىڭ بىرىنە اينالعان ەدى. جاقىندا كاتار امىرلىگى جاڭا قادامعا جاساپ، ديپلوماتيالىق داعدارىستان شىعۋدىڭ جاڭا جولىن قاراستىردى. "شينحۋا" اگەنتتىگىنىڭ حابارىنا قاراعاندا كاتار مەملەكەتى الەمنىڭ  80 ەلىنە ۆيزاسىز رەجيمدى جەڭىلدەتەتىنىن مالىمدەگەن. ازاماتتارى كاتارعا ۆيزاسىز بارا الاتىن ەلدەردىڭ قاتارىندا قازاقستان دا بار.

كاتار امىرلىگىنىڭ شەشىمىمەن، اتالعان 80 مەملەكەتتىك ىشىندە قازاقستاندى قامتىعان، 50-گە جۋىق ەلدىڭ ازاماتتارى كاتاردا ۆيزاسىز 30 كۇن تۇرا الادى جانە ەلدە تۇرۋ ۋاقىتىن قوسىمشا 30 كۇنگە ۇزارتا الادى. ال، گەرمانيا، تۇركيا، فرانتسيا سىندى 33 مەملەكەتتىڭ ازاماتتارى كاتار ەلىندە ۆيزاسىز رەجيممەن 180 كۇن بولادى، سونداي-اق ۆيزا مەرزىمىن قوسىمشا 90 كۇنگە ۇزارتا الادى.

كاتار مەملەكەتى وسىنداي قادام جاساۋ ارقىلى اراب ەلدەرىنىڭ وزدەرىنە تاققان ايىبىنىڭ ورىنسىز ەكەنىن دالەلدەمەك.

ەلدىڭ تۋريزم دەپارتامەنتىنىڭ باسشىسى حاسان ال ءيبراحيمنىڭ ايتۋىنشا، دوحا ەلدىڭ تاريحى مەن مادەنيەتىنە قىزىعۋشىعى بار شەتەلدىك تۋريستەردى ارقاشان قۋانا قارسى الادى.

ايتا كەتەيىك، ماۋسىم ايىندا بىرىككەن اراب امىرلىگى، باحرەين، ەگيپەت جانە ساۋد ارابياسى كاتارمەن اراداعى ديپلوماتيالىق قاتىناستىڭ ۇزىلگەنىن مالىمدەگەن. ولاردىڭ ايتۋىنشا، كاتار لاڭكەستىك، ەكسترەميستىك جانە كونفەسسياارالىق توپتاردى قولداپ، قارجىلاندىرىپ وتىر.

"The Qazaq Times"