ۇلتتىق قوردىڭ اكتيۆتەرى ازايىپ كەتتى

2017 جىلعى شىلدەدە ۇلتتىق قوردىڭ اكتيۆتەرى 4,3 ملرد اقش دوللارىنا نەمەسە 57,9 ملرد اقش دوللارىنا دەيىن 6,9%-عا تومەندەدى. بۇل تۋرالى باس بانكتىڭ ءباسپاسوز قىزمەتى حابارلادى.

سونداي-اق، 2017 جىلعى شىلدەدە ۇلتتىق بانكتىڭ جالپى حالىقارالىق رەزەرۆتەرى 2,9 ملرد اقش دوللارىنا نەمەسە 9,7%-عا ءوسىپ، 32,9 ملرد اقش دوللارىن قۇرادى.

رەتتەۋشىنىڭ مالىمەتىنشە، شەتەل ۆاليۋتاسىنداعى اكتيۆتەر 2,6 ملرد اقش دوللارىنان 21,5 ملرد اقش دوللارىنا دەيىن، التىنداعى اكتيۆتەر ونىڭ باعاسى 1,9%-عا ءوسۋى ناتيجەسىندە 0,3 ملرد اقش دوللارىنان 11,4 ملرد اقش دوللارىنا دەيىن ۇلعايعان.

ۇلتتىق بانكتىڭتىڭ تۇسىندىرۋىنشە، حالىقارالىق رەزەرۆتەرى كولەمىنىڭ جانە ۇلتتىق قور اكتيۆتەرىنىڭ وزگەرۋى كوپ جاعدايدا «قازاقستاننىڭ حالىق جيناق بانكى» اق پەن «كازكوممەرتسبانك» اق اراسىنداعى مامىلەنى ىسكە اسىرۋ ناتيجەسىندە ورىن العان.

"اتاپ ايتقاندا، ۇلتتىق قور اكتيۆتەرىنىڭ تومەندەۋى كورسەتىلگەن مامىلەنى جۇزەگە اسىرۋ ءۇشىن رەسپۋبليكالىق بيۋدجەتكە نىسانالى ترانسفەرتتى بولۋگە،
ال ۇلتتىق بانكتىڭ حالىقارالىق رەزەرۆتەرىنىڭ ۇلعايۋى وسى كولەمنىڭ شەتەل ۆاليۋتاسىنان تەڭگەگە تيىسىنشە ايىرباستالۋىنا (شەتەل ۆاليۋتاسىن ساتىپ الۋعا) بايلانىستى", - دەلىنگەن بانك حابارلاماسىندا.

بۇدان باسقا، ۇلتتىق قوردىڭ اكتيۆتەرىن وزگەرتۋ كەپىلدىك بەرىلگەن جانە نىسانالى ترانسفەرتتەردى ءبولۋ ءۇشىن ۆاليۋتا نارىعىندا شەتەل ۆاليۋتاسىن ايىرباستاۋعا نەگىزدەلگەن. ۇلتتىق بانكتىڭ حالىقارالىق رەزەرۆتەرىنىڭ سەرپىنىنە سونداي-اق ۇكىمەتتىڭ ۇلتتىق بانكتەگى شوتتارىنا ۆاليۋتانىڭ ءتۇسۋى، بانكتەردىڭ شەتەل ۆاليۋتاسىنداعى كوررەسپوندەنتتىك شوتتارىنداعى
قالدىقتاردىڭ ۇلعايۋى، ۇلتتىق قوردىڭ اكتيۆتەرىن تولىقتىرۋ، ۇكىمەتتىڭ سىرتقى بورىشىنا قىزمەت كورسەتۋ، سونداي-اق بانكتەرمەن ۆاليۋتالىق-پايىزدىق سۆوپ وپەراتسيالارىنىڭ بولىگىن اياقتاۋ بويىنشا وپەراتسيالار ىقپال ەتتى.

تۇتاستاي العاندا، ەلدىڭ حالىقارالىق رەزەرۆتەرى، ۇلتتىق قوردىڭ شەتەل ۆاليۋتاسىنداعى اكتيۆتەرىن قوسا العاندا، 90,7 ملرد. اقش دوللارى بولدى.

“The Qazaq Times”