يراكتىڭ ورتالىق قىلمىستىق ىستەر سوتى كەشە «يسلام مەملەكەتى» ۇيىمىنىڭ 27 مۇشەسىن ءولىم جازاسىنا كەستى. ولارعا تاعىلعان ايىپتا "1700 ۇكىمەت جاۋىنگەرىن ولتىرۋگە قاتىسقان" دەلىنگەن. بۇل تۋرالى «People» باسىلىمىنىڭ رەسمي سايتى جازدى.

8 تامىزداعى سوت شەشىمىمەن «يسلام مەملەكەتى» لاڭكەستىك توبىنىڭ 27 مۇشەسىنە ءولىم جازاسى بەرىلدى، ال 25 ادامدى ناقتى دالەل تابىلماعاندىقتان بوساتىپ جىبەرگەن.

يران جوعارى سوتى بۇل ۇكىمنىڭ العاشقى ۇكىم ەكەنىن، ۇكىمگە ريزا بولماعانداردىڭ قايتا ارىزدانۋىنا بولاتىنىن ەسكەرتتى.

بۇل 27 قىلمىسكەر 2014 جىلى ماۋسىم ايىندا «يسلام مەملەكەتى» ۇيىمى سالاح-اد-دين ايماعىن باسىپ العان كەزدە، تيكريت قالاسىنىڭ سولتۇستىگىندەگى اسكەري بازاداعى 1700 جاۋىنگەردى تۇتقىنداپ، تۇگەلدەي قىرىپ تاستاۋ ىسىنە قاتىسقان دەپ ايىپتالعان. قولعا تۇسكەن وزگە 25 كۇدىكتىگە قاتىستى ناقتى دەرەك تابىلماعاندىقتان بوساتىپ جىبەرگەن.

“The Qazaq Times”