قازاقستان، يراك، ءباا جانە مالايزيا وپەك كەلىسىمىن تولىق ورىنداۋعا دايىن

يراك، بىرىككەن اراب امىرلىگى، قازاقستان جانە مالايزيا وپەك جانە وعان مۇشە ەمەس ەلدەردىڭ مۇناي كولەمىن قىسقارتۋ تۋرالى كەلىسىمى اياسىنداعى مىندەتتەمەلەردى الداعى ايلاردا تولىق ورىنداۋعا دايىن ەكەندەرىن ناقتىلادى. بۇل جونىندە كارتەل كەلىسىمدەردىڭ جۇزەگە اسىرىلۋىن باقىلايتىن تەحنيكالىق كوميتەتىنىڭ كەزەكتەن تىس وتىرىسىنىڭ ناتيجەسىندە حابارلانعان.  

اتالعان ەلدەر كوميتەتكە مۇناي نارىعىن دامىتۋدىڭ جانە ونى قالپىنا كەلتىرۋگە قاتىستى ءوز كوزقاراستارىن ۇسىنعان. سونداي-اق ولار بەكىتىلگەن مونيتورينگ مەحانيزمىنەن اينىمايتىندارىن جەتكىزگەن.

ءباسپاسوز حابارلاماسىندا جازىلعانداي، وتىرىستىڭ قورىتىندىسى ەندى 21 تامىزدا ۆەنادا وتەتىن كەزەكتەن تىس كەزدەسۋ كەزىندە تالقىلانادى.

ايتا كەتەيىك، 2016 جىلدىڭ 30 قاراشاسىندا وپەك نارىقتاعى ارتىق مۇناي قورىن  تومەندەتۋ جانە مۇناي نارىعىندا تۇراقتىلىقتى قالىپتاستىرۋ ماقساتىندا 14 ەلگە مۇناي ءوندىرىسىن تاۋلىگىنە 35,2 ملن باررەل شاماسىندا قالدىرۋ تۋرالى كۆوتا تاعايىنداعان. بۇل كەلىسىم 2017 جىلدىڭ 1 قاڭتارىنان باستاپ كۇشىنە ەندى. كەيىنىرەك وپەك پەن وعان مۇشە ەمەس ەلدەرى مۇناي ءوندىرىسىن قىسقارتۋعا كەلىستى. وپەك-ءتىڭ كۆوتاسى تاۋلىگىنە 1,2 باررەل، وپەك-كە مۇشە ەمەس ەلدەردىكى تاۋلىگىنە 558 مىڭ باررەلدى قۇرادى.

الايدا جىل باسىنان بەرى كەلىسىمنىڭ ورىندالۋى تومەنگى كورسەتكىش كورسەتكەن. حالىقارالىق ەنەرگەتيكا اگەنتتىگىنىڭ مالىمەتىنشە، وپەك ەلدەرى كەلىسىمدى 78 پايىزعا، ال كارتەلگە مۇشە ەمەس ەلدەر 82 پايىزعا ورىنداعان.

مىسالى يراك ماۋسىم ايىندا كەلىسىمدى تەك 28 پايىزعا ورىنداعان. مەملەكەت ءتىپتى وتكەن جارتى جىلدا دا ءوندىرىستى تاۋلىگىنە 210 مىڭ باررەلگە قىسقارتۋ تۋرالى ككۆوتانى باقىلاۋعا الماعان. ال بىرىككەن اراب امىرلىگى بولسا 139 مىڭ باررەل قىسقارتۋ كەرەك ەدى، الايدا كەلىسىم كۇشىنە ەنگەننەن بەرى كەلىسىمدى 100 پايىزعا تولىق ورىنداماعان.

“The Qazaq Times”