ەردوعان ءوزىن يسلامنىڭ باتىل قورعاۋشىسى ەتىپ كورسەتتى

تۇركيا پرەزيدەنتى ستامبۋلداعى ءبىر مەشىتتىڭ اشىلۋىندا ءسوز سويلەپ ءوزىنىڭ ءدىندى تاباندى ءارى باتىل قولدايتىنىن جەتكىزدى. ول سوزىندە «ءدىندى جەتتىك بىلەتىن ۇرپاق تاربيەلەپ شىعامىز» دەدى. بۇل تۋرالى «تۇرىك تەلە-راديو» قىزمەتىنىڭ رەسمي سايتى حابارلادى.

ستامبۋلدا «جۇلدىز حاميديە اتىنداعى مەشىتتىڭ» اشىلۋىندا ەردوعان ءوزىنىڭ ءدىندار باسشى ەكەنىن انىق تانىتتى. ول: «ءدىنىمىزدىڭ وزەگى بولعان مەشىتتەردى جاڭعىرتامىز. ۇلتىمىزدىڭ رۋحى مىقتى. كرەست جورىقتارى زامانىنان بەرى جالعاسىپ كەلە جاتقان كۇرەستىڭ باتىل جاۋىنگەرى دەگەن داڭققا يە. بۇگىندە دۇشپاندارىمىز ەلىمىز بەن دىنىمىزگە شابۋىلداپ، مەشىتتەردى قاراۋىلعا الۋدا»، – دەدى.

ەردوعان بيلىگى تۇركيادا دىنشىلدەردى جاقتاۋشى بيلىك رەتىندە بەلگىلى. باتىس جۇرتىمەن قارىم-قاتىناسى سالقىنداعان ەردوعان بيلىگى، اراب ەلدەرى اراسىنداعى جانجالداردى رەتتەپ، قارىم-قاتىناسىن تۇراقتاندىرۋعا تىرىستى. كاتار داعدارىسى كەزىندە دە اراب ەلدەرى اراسىندا دەلدالدىققا كوپ رەت ءجۇردى. قازىر كاتار مەن تۇركيا اراسىندا اسكەري ىنتىماقتاستىق نىعايىپ، پارسى شىعاناعىنا تۇركيانىڭ اسكەري بازاسى سالىنعالى تۇر.

“The Qazaq Times”