فوتو: Getty Images

دونالد ترامپتىڭ اكىمشىلىگى  بۇۇ-عا 2015 جىلى قابىلدانعان كليماتتىڭ وزگەرۋىنە قارسى كۇرەس جونىندەگى پاريج كەلىسىمىنەن شىعاتىنىن ەسكەرتىپ، جازباشا تۇردە رەسمي ۇندەۋ جولدادى. بۇل تۋرالى BBC اقپاراتتىق اگەنتتىگى جازدى.

پاريج كەلىسىمىنەن شىعۋ تۋرالى العاشقى مالىمدەمەنى وسى جىلدىڭ ماۋسىم ايىندا اقش پرەزيدەنتى دونالد ترامپ ايتقان بولاتىن. ول: "پاريج كەلىسىمىنىڭ شارتتارى اقش-تى جازاعا تارتىپ وتىر، ءبىز ميلليونداعان جۇمىس ورىندارىنان ايىرىلىپ قالۋىمىز مۇمكىن" دەي كەلە، كليماتتىڭ وزگەرۋىنە قاتىستى اقش-تىڭ مۇددەسىنە قايشى كەلمەيتىن باسقا كەلىسىمگە قوسىلۋعا قارسى ەمەس ەكەنىن ءبىلدىردى.

بۇۇ-عا جولدانعان رەسمي جولداۋدا اقش پاريجە كەلىسىمىنەن شىققانىمەن، الەمدىك كەلىسسوزدەر مەن تالقىلاۋلارعا قاتىساتىنىن راستادى. امەريكانىڭ كەلىسىمنەن شىعۋ تۋرالى حابارلاماسىن كەلىسىمگە قول قويعان ماڭىزدى مەملەكەتتەر بىردەن قولداپ، داۋىس بەردى.

پاريج كەلىسىمىنە قوسىلعان مەملەكەتتەر 2019 جىلدىڭ 4 قازانىنا  دەيىن ودان شىقپاۋى كەرەك. ال امەريكا مۇمكىندىك تۋعان ەڭ جاقىن ۋاقىتتا كەلىسىمنەن كەتۋ تۋرالى ۇسىنىس ءبىلدىرىپ وتىر. "بارلىق رەسمي شارۋالاردى ەسەپتەگەندە، اقش-تىڭ پاريج كەلىسىمىنەن شىعۋى 2020  جىلعا دەيىن سوزىلۋى مۇمكىن. 2020 جىلى اقش-تا وتەتىن پرەزيدەنتتىك سايلاۋ ناتيجەسىندە كەلەتىن جاڭا پرەزيدەنت پاريج كەلىسىمىنە قايتا قوسىلۋدى نە بارلىعىن وزگەرىسسىز قالدىرۋدى  شەشەدى", - دەيدى اقپاراتتىق اگەنتتىك جۋرناليستەرى.

پاريج كەلىسىمى  - جەر شارىنداعى بار ەلدى كليماتتىڭ وزگەرۋىنە قارسى كۇرەسۋگە زاڭدى تۇردە مىندەتتەيتىن ماڭىزدى قۇجات. وعان تەك سيريا مەن نيكاراگۋا عانا قول قويماعان. پاريج كەلىسىمىندە مەملەكەتتەرگە بىرقاتار مىندەتتەمەلەر جۇكتەلگەن:  وندىرىس ورىندارى، كولىك قوزعالىسى ەسەبىنەن اۋاعا شىعارىلاتىن ۋلى گازداردىڭ كولەمىن سول اۋماقتاعى ورمان، سۋ رەسۋرستارى تابيعي جولمەن ءسىڭىرىپ الاتىنداي دەڭگەيگە دەيىن ءتۇسىرۋ;  جاھاندىق تەمپەراتۋرانى 2C (3.6F),  ال بولاشاقتا 1,5س دەيىن تومەندەتۋ; دامىعان مەملەكەتتەر ەكونوميكاسى ءالسىز ەلدەردىڭ بالامالى ەنەرگيا كوزدەرىنە ءوتۋى ءۇشىن قارجى ءبولۋ. ءار 5 جىل سايىن كەلىسىمگە مۇشە مەملەكەتتەردىڭ ءوز مىندەتتەمەسىن قالاي ورىنداپ وتىرعانى تەكسەرىلەدى.

“The Qazaq Times”