ەڭ تومەنگى كۇنكورىس دەڭگەيىنىڭ شاماسى تومەندەدى

نەگىزگى تاماق ونىمدەرىن تۇتىنۋدىڭ ەڭ تومەنگى نورمالارىنان ەسەپتەلەتىن، ورتا ەسەپپەن حالىقتىڭ جان باسىنا شاققانداعى ەڭ تومەنگى كۇنكورىس دەڭگەيىنىڭ شاماسى 2017 جىلعى شىلدەدە وتكەن ايمەن سالىستىرعاندا 2,7% تومەندەگەن. بۇل تۋرالى قر ۇلتتىق ەكونوميكا مينيسترلىگىنىڭ ءباسپاسوز قىزمەتى مالىمدەدى.

مينيسترلىكتىڭ مالىمەتىنشە، 2016 جىلعى شىلدەمەن سالىستىرعاندا 10,4%-عا جوعارىلاعان. ونىڭ قۇرىلىمىندا ەت پەن بالىقتى ساتىپ الۋعا جۇمسالعان شىعىستاردىڭ ۇلەسى 20,2%.

ونىڭ ىشىندە ءسۇت، ماي جانە توڭ ماي ونىمدەرى مەن جۇمىرتقاعا كەتكەن شىعىن – 15,4%، جەمىستەر مەن كوكونىستەرگە – 14,1%، نان جانە جارما ونىمدەرىنە – 7,8%، قانت، شاي جانە دامدەۋىشتەرگە كەتكەن شىعىن 2,5%-دى قۇرادى.

	ورتا ەسەپپەن حالىقتىڭ جان باسىنا شاققاندا	0-13 جاستاعى بالالار	14-17 جاستاعى جاسوسپىرىمدەر		18 جاستان اسقان، ەڭبەككە قابىلەتتى حالىق		زەينەت-كەرلەر مەن قارت ادامدار
			جاس جىگىتتەر	قىزدار	ەرلەر	ايەلدەر
كۇنكورىستىڭ ەڭ تومەنگى دەڭگەيىنىڭ شاماسى	24 447	19 383	30 865	23 653	29 165	23 156	22 910
ازىق-تۇلىك تاۋارلارى	14 668	11 630	18 519	14 192	17 499	13 893	13 746
ازىق-تۇلىك ەمەس تاۋارلار مەن اقىلى قىزمەتتەر	9 779	7 753	12 346	9 461	11 666	9 263	9 164

دەرەككوز: قر ۇەم

ەڭ تومەنگى كۇنكورىس دەڭگەيى – مولشەرى بويىنشا ەڭ تومەنگى تۇتىنۋ قورجىنىنىڭ قۇنىنا تەڭ، ءبىر ادامعا قاجەتتى ەڭ تومەنگى اقشالاي تابىس. ەڭ تومەنگى تۇتىنۋ قورجىنى ادامعا قاجەتتى تاماق ونىمدەرىنىڭ، تاۋارلار مەن كورسەتىلەتىن قىزمەتتەردىڭ زاتتاي جانە قۇندىق كورىنىستەگى ەڭ تومەنگى جيىنتىعى.

ايتا كەتەيىك، كۇنكورىس دەڭگەيىنىڭ تومەندەۋىنە قاراماستان قازاقستاندا شىلدە ايىندا كوكونىس باعاسى ەداۋىر قىمباتتاعان. مىسالى ءسابىزدىڭ كيلوگرامى 15,6%-عا نەمەسە 153,8 تەڭگەگە دەيىن كوتەرىلسە، 7,5%-عا (ورتا ەسەپپەن 141,1 تەڭگە) قىزىلشا جانە بۇرشاقتار - 1,2%-عا قىمباتتاعان.

“The Qazaq Times”