پۋتين مەن ترامپ. فوتو: مك.

جاقىندا عانا رەسەيدەگى بۇۇ-نىڭ تۇراقتى وكىلى رەتىندە تاعايىندالعان ۆاسيلي نيرۆانا كەشەگى مالىمدەمەسىندە، رەسەي مەن اقش قارىم-قاتىناسى قىرعي-قاباقتىق كۇيدىڭ ەڭ شەگىنە جەتتى دەگەن پىكىرىن ءبىلدىردى. ول سوزىندە: «قازىرگى ەكى ەلدىڭ قارىم-قاتىناسىنداعى كىربەڭدىك ءتىپتى قىرعي-قاباق سوعىس جىلدارىندا دا كورىنگەن ەمەس»، – دەدى. بۇل تۋرالى «شينلاڭ» اقپاراتتىق سايتى حابارلاپ وتىر.

اقش كەڭەس پالاتاسى 27 شىلدە كۇنى رەسەي، يران جانە سولتۇستىك كورەياعا باعىتتالعان جاڭا سانكتسيا زاڭ جوباسىن بەكىتىپ، اقش پرەزيدەنتىنىڭ قول قويۋىنا ۇسىندى. 28 شىلدەدە رەسەي سىرتقى ىستەر مينيسترلىگىنىڭ مالىمدەمەسىندە، «اقش-تىڭ جاڭا سانكتسيا جوباسى، ولاردىڭ حالىقارالىق ساياساتتا ناعىز ۇشىنا شىققان ارانداتۋشى ەكەنىن راستادى» دەگەن پىكىرىن جاريالاعان بولاتىن.

رەسەي سىرتقى ىستەر مينيسترلىگى 1 تامىزدان باستاپ اقش-تىڭ رەسەيدە تۇراتىن ەلشىلىكتەرىنىڭ ماسكەۋدەگى جانە بىرنەشە قالالارداعى قويمالار مەن تۇرارجايلاردى پايدالانۋ قۇقىعىن شەكتەيتىنىن ءمالىم ەتتى. سونىمەن بىرگە 1 قىركۇيەككە دەيىن رەسەيدەگى اقش ديپلوماتيالىق جانە تەحنيكالىق قىزمەتكەرلەرىنەن 455 ادامدى قىسقارتپاق.

“The Qazaq Times”