اقش-تىڭ سۇرياداعى اسكەري وپەراتسيالارىنان جاي بۇقارالار كوپتەپ قىرىلۋدا

اقش قاراماعىنداعى ءسۇريانىڭ سولتۇستىگىندەگى «دايش-قا قارسى اسكەري كواليتسيا سۇريالىق جاي بۇقارالاردى قىرعىنداۋدا دەپ حابارلايدى تۇركيا، يران جانە رەسەي اقپاراتتىق اگەنتتىكتەرى. راككا قالاسى ماڭىندا سارسەنبى كۇنى جۇرگىزىلگەن اسكەري وپەراتسيا كەزىندە اقش-تىڭ ۇشقىشسىز ۇشاقتارىنىڭ شابۋىلىنان 29 جازىقسىز بۇقارا كوز جۇمعان. بۇل تۋرالى «پارس.اقپارات» اگەنتتىگى ءوزىنىڭ رەسمي سايتىندا جازعان بولاتىن.

يرنا-نىڭ حابارلاۋىنا قاراعاندا، بۇل رەتكى شابۋىلدان جاراقات العان سۇريالىق اسكەري ەمەس تۇرعىندار سانى دا كوبىرەك بولعان. «دايش-قا قارسى اسكەري كواليتسيا» دەپ اتالاتىن بۇل قوسىننىڭ ماۋسىم ايىنىڭ سوڭىندا جاساعان ءبىر رەتكى شابۋىلىنان 90-نان استام ادام قازا تاپقان بولاتىن. ونىڭ باسىم كوبى ايەلدەر مەن بالالار.

جاقىندا جاريالانعان مالىمەتتەردىڭ بىرىندە اقش-تىڭ ءسۇريا مەن يراكتاعى اسكەري قوسىنى 2014 جىلدان بەرى 3 مىڭنان استام جازىقسىز بۇقارانى وققا بايلاعان. يران جاق اقش-تى «دايش ۇيىمىنا سوققى بەرۋ» سىلتاۋىمەن جازىقسىز يراك جانە ءسۇريا ازاماتتارىن قىرعىنداۋدا دەپ ايىپتادى.

“The Qazaq Times”