ترامپ الەۋمەتتىك جەلىدە امەريكاعا وكپەسىن ايتتى

اقش پرەزيدەنتى دونالد ترامپ تاعى دا الەۋمەتتىك جەلىدە شاعىمداندى. ول ءوزىنىڭ Twitter پاراقشاسىندا «رەسپۋبليكاشىلدار پارتياسى مەنى قورعاۋعا تىرىسپايدى» دەگەن وكپەسىن ايتتى. ترامپ الەۋمەتتىك جەلى پاراقشاسىندا: «ەڭ ءبىر وكىنەرلىگى، رەسپۋبليكاشىلدار پارتياسى، ءتىپتى مەنىڭ اينالامداعى كەيبىر ادامداردىڭ دا پرەزيدەنتتەرىن قورعاۋى كەمشىل»، – دەدى. بۇل تۋرالى «شينحۋا» اگەنتتىگى سايتىندا جازدى.

اقش-تاعى كەيبىر ءىرى باسىلىمدار "ترامپتىڭ بۇل سوزدەرمەن نە ايتقىسى كەلگەنى انىق ەمەس، ەگەنمەن ترامپ كونگرەستىڭ جاڭا شەشىمى الدىندا رەسپۋبليكاشىلدار پارتياسىنىڭ ءۇنسىز قالعانىنا نارازى بولعانى انىق" دەپ جازۋدا. ترامپ سايلاۋ كەزىنەن تارتىپ بۇرىنعى دەموكراتتاردىڭ پرەزيدەنتى باراك وبامانىڭ بىرقاتار جۇيەلەرىنە رەفورما جاساۋعا تىرىستى. سونىڭ ءبىرى دەنساۋلىق ساقتاۋ سالاسىنىڭ جاڭا رەفورماسى ەدى. مۇنىڭ كەيبىرەۋى قابىلدانسا، كەيبىر جاڭا ەرەجەلەر دەموكراتتارمەن قوسا رەسپۋبليكاشىلدار پارتياسىنىڭ دا قارسىلىعىنا ءجيى ۇشىراپ كەلدى.

بريتاندىق «Guardian» باسىلىمىنىڭ جازۋىنشا، ترامپ كومانداسىنا تاعىلعان «رەسەيشىل» دەگەن ايىپ، ولاردىڭ كونگرەستە جانە ەكى پارتيا اراسىنداعى سەنىمىن ازايتتى. رەسپۋبليكالىق پاريانىڭ كوشباسشىسى كەۆين 22 شىلدەدەگى سوزىندە: «ەكى تاراپتاعى زاڭ شىعارۋشىلار الدەقاشان رەسەيگە قارسى جاڭا سانكتسيا جوباسىن شىعاردى. يران مەن سولتۇستىك كورەياعا قاراتىلعان زاڭ جوباسى دا وسىنىڭ ىشىندە. وكىلدەر پالاتاسىندا 25 ادامدىق داۋىس بەرۋ جوسپارلانىپ وتىر. مىنە وسىنىڭ ءبارى ترامپتىڭ رەسەيمەن بولعان قارىم-قاتىناسىنا جانە ونىڭ بەدەلىنە كەرى اسەر ەتەدى»، – دەپ انىقتاي ايتتى.

ترامپتىڭ كوشباسشىلىق يدەيالارى اقش كونگرەسى جانە ەكى پارتيا جاعىنان بەلگىلى جاقتا شەكتەۋلەرگە ۇشىراپ وتىرعانى انىق. دەگەنمەن قۇراما شتات پرەزيدەنتى پۋتين اراسىنداعى كەزدەسۋ وسى شەشىمدەرگە مۇرىندىق بولعانى دا انىق. پرەزيدەنت تاعىنا جەتكەنىمەن دەگەنىنە جەتە الماعان ترامپ ەندىگى جەردە الەۋمەتتىك جەلىدە شاعىمدانۋمەن عانا شەكتەلىپ وتىرسا كەرەك.

“The Qazaq Times”