فوتو: sputnik.kg

المازبەك اتامباەۆ قىرعىزستاندا بيلىكتىڭ بەيبىت جولمەن اۋىساتىنىنا كەپىلدىك بەرەتىنىن ايتتى.

قىرعىزستان پرەزيدەنتى المازبەك اتامباەۆ چولپان-اتاداعى مەملەكەتتىك رەزيدەنتسياسىندا وتكىزگەن ءباسپاسوز ءماسليحاتىندا: «مەن ويلايمىن، ءبىز الدا وتەتىن پرەزيدەنت سايلاۋىنىڭ قورىتىندىسى قانداي بولسا دا قابىلداۋىمىز كەرەك. ءيا، سايلاۋدا بىرەۋلەر ءوز داۋىسىن ساتۋى مۇمكىن. ءبىز قىرعىزستان قوعامىن بۇل تۇرعىدا تولىقتاي وياتا المادىق. بىراق قازىر ەل باسقا. مەن الداعى پرەزيدەنت سايلاۋىنان كەيىن بيلىكتىڭ بەيبىت جولمەن اۋىسۋىنا كەپىلدىك بەرەمىن» - دەدى.

ەستەرىڭىزگە سالايىق، قىرعىزستاندا پرەزيدەنت سايلاۋى 15 قازان كۇنى وتەدى. سايلاۋعا قىرعىزستاننىڭ قازىرگى باسشىسى المازبەك اتامباەۆ قاتىسپايدى. قىرعىز رەسپۋبليكاسىنىڭ كونستيتۋتسياسى بويىنشا، ءبىر ادام پرەزيدەنت بولىپ تەك ءبىر مەرزىم عانا سايلانا الادى.

“The Qazaq Times”