2017 جىلعى ماۋسىمدا ينفلياتسيا ايلىق كورسەتكىش بويىنشا 0,4% بولدى، ءبىرىنشى جارتىجىلدىقتا ينفلياتسيا 3,7%-دى قۇراعان جانە وتكەن جىلدىڭ وسىنداي كەزەڭىندەگى كورسەتكىشتەن (4,6%) تومەن، دەپ حابارلايدى ۇلتتىق بانكتىڭ ءباسپاسوز قىزمەتى.
"جىلدىق ينفلياتسيا الدىڭعى ەكى ايداعىداي 7,5% دەڭگەيىندە ساقتالدى.
ينفلياتسيالىق ايانىڭ ساقتالۋى ازىق-تۇلىكتىڭ كەيبىر تۇرلەرى (كوكونىس، ەت-ءسۇت ونىمدەرى) باعاسىنىڭ جوعارى وسۋىمەن سالىستىرعاندا ۇسىنىس فاكتورلارى تاراپىنان بولعان جاعىمسىز اسەرمەن بايلانىستى بولدى", -دەلىنگەن ءباسپاسوز حابارلاماسىندا.
سونداي-اق، ۇلتتىق بانك ازىق-تۇلىك باعاسىنىڭ وزگەرۋىنە قاتىستتى ساۋالناما جۇرگىزگەن. سونىمەن باس بانكتىڭ مالىمەتىنشە، حالىقتىڭ باعانىڭ ءوسۋىن باعالاۋى سوڭعى 12 ايدا تومەندەگەن. باعالاردىڭ وسۋىنە جوعارى باعا بەرگەن ساۋالناماعا قاتىسۋشىلار ۇلەسى مامىردا 57,3% بولسا, ماۋسىمدا 55,1%-عا دەيىن ازايعان.
سونداي-اق، ۇلتتىق بانكتىڭ بولجامىنشا، وسى جىلى ينفلياتسيانىڭ ءبىر
جىل العا بەرىلگەن باعاسى 5,9-6,6% دەڭگەيىندە جانە 2018 جىلعا ارنالعان نىسانالى ءدالىز 5-7% بولۋى مۇمكىن.
دەگەنمەن ۇلتتىق بانك مۇنداي بولجام جاساعانمەن قازاقستاننىڭ ەكونوميكا نارىعىندا تەڭگەدەن باستاپ شيكىزات وندىرىسىنە دەيىن تۇراقسىز ەكەنىن ەسكەرۋىمىز قاجەت.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى