Mexx كومپانياسى رەسەيدەگى بارلىق دۇكەندەرىن جاپپاقشى. بۇل تۋرالى BNS Group-تىڭ باس ديرەكتورى دەنيس بوگاتىرەۆ «ۆەدوموستي» باسىلىمىنا ايتقان.
قازىرگى كەزدە Mexx-ءتىڭ جالعىز دۇكەنى «زولوتوي ۆاۆيلون» ساۋدا ويىن-ساۋىق ورتالىعىندا جۇمىس ىستەپ جاتىر. بىراق بۇل دۇكەن دە وسى جىلدىڭ 31 شىلدەسىندە جابىلادى.
بوگاتىرەۆتىڭ سوزىنشە، مەحح-ءتىڭ قازىرگى باسشىلىعى Eroglu Holding تۇرىك كومپانياسى BNS-قا 2017 جىلعا ارنالعان كوللەكتسيالاردى شىعارمايتىنىن ايتقان. سەبەبى بيزنەس تابىسسىز بولعان. مىسالى 2016 جىلدىڭ قورىتىندىسى بويىنشا دۇكەندەردەگى ساتىلىم 15 پايىزعا تومەندەگەن.
ەندى بۇل قازاقستانداعى وسى دۇكەندەردىڭ جابىلۋىنا اكەپ سوعۋى مۇمكىن. ونسىزدا قازاقستاندىق رەتەيلەرلەر 2015 جىلعى داعدارىستان كەيىن ەلدەگى كوپتەگەن دۇكەندەر جابىلۋعا ءماجبۇر بولىپ جاتقانىن ايتادى.
مەحح ساۋدا ماركاسىنىڭ نەگىزىن 1986 جىلى نيدەرلاندىدا ءۇندىستاننان شىققان ەميگرانت راتان چادحا قالاعان. 15 جىلدان كەيىن بۇل بيزنەستى امەريكالىق Liz Claiborne كومپانياسى قولىنا الادى. 2011 جىلى امەريكالىق The Gores Group ينۆەستيتسيالىق كومپانياسى Mexx-ءتىڭ باقىلاۋ پاكەتىن 85 ملن ەۋروعا ساتىپ الدى.
ال 2014 جىلدىڭ جەلتوقسانىندا Mexx بانكروت دەپ تانىلىپ، ءتۇرلى ەلدەردەگى دۇكەندەرىن جابا باستادى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
بىشكەكتە كاسىپكەرلەر جاڭا سالىق ەرەجەلەرىنە قارسى اكتسيا وتكىزدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى