اقش پرەزيدەنتى دونالد ترامپ «يسلام مەملەكەتى» لاڭكەستىك ۇيىمىننىڭ كوزىن جويۋعا ۋادە بەردى.

جاقىندا يراك پرەمەر-ءمينيسترى حايدار ءال-ابادي موسۋل قالاسىن «يسلام مەملەكەتى» سودىرلارىنان ازات ەتكەندىكتەرىن مالىمدەدى.

وسىعان بايلانىستى اقش پرەزيدەنتى دونالد ترامپ يراك ۇكىمەتىن قۇتتىقتاپ، «سوڭعى التى ايدا ءبىز «يسلام مەملەكەتى» لاڭكەستىك ۇيىمىمەن كۇرەستە وسى ۋاقىتقا دەيىن جەتپەگەن جەتىستىكتەرگە قول جەتكىزدىك. ءبىز الداعى ۋاقىتتا دا «يسلام مەملەكەتى» ۇيىمىننىڭ كوزىن جويۋعا جۇمىس جاسايتىن بولامىز. موسۋل قالاسىندا «يسلام مەملەكەتى» سودىرلارىنىڭ جەڭىلىس تابۋى بۇل تەررورلىق ۇيىمنىڭ ءسۇريا مەن يراك اۋماعىنداعى كۇندەرىنىڭ بىتكەندىگى» - دەدى.

ءۇش جىل بويى «يسلام مەملەكەتى» لاڭكەستىك ۇيىمىنىڭ يەلىگىندە بولعان موسۋل قالاسىن ازات ەتۋ وپەراتسياسى 2016 جىلدىڭ قازان ايىندا باستالعان. موسۋلدى ازات ەتۋگە اقش اسكەريلەرىنىڭ ارنايى جاساعى، فەدەرالدى پوليتسيا جانە يراك قارۋلى كۇشتەرى قاتىسقان بولاتىن.

“The Qazaq Times”