فوتو: businessinsider.de

اقش پرەزيدەنتى دونالد ترامپ ءوزىنىڭ تۆيتتەر پاراقشاسىندا رەسەي پرەزيدەنتى ۆلاديمير پۋتينمەن وتكەن كەلىسسوز بارىسىندا تالقىلانعان كيبەرقاۋىپسىزدىك بويىنشا جۇمىس توبىنىڭ قۇرىلۋى ەكىتالاي دەپ مالىمدەدى.

دونالد ترامپ: "مەن پرەزيدەنت پۋتينمەن تالقىلاعان كيبەرقاۋىپسىزدىك بويىنشا جۇمىس توبى مىندەتتى تۇردە قۇرىلادى دەگەندى بىلدىرمەيدى".

قوس ەلدىڭ پرەزيدەنتى وتكەن جۇمادا گامبۋرگتە وتكەن "ۇلكەن جيىرمالىقتىڭ" سامميتىندە كەزدەسكەن ەدى. اقش-تىڭ مەملەكەتتىك حاتشىسى رەكس تيللەرسون 2 ساعاتقا سوزىلعان كەلىسسوزدەر بارىسىندا امەريكا مەن رەسەي اراسىندا ءبىر-ءبىرىنىڭ ىسىنە ارالاسپاۋ جانە كيبەرقاۋىپسىزدىك بويىنشا كەلىسىمگە كەلۋ ءۇشىن ارنايى جۇمىس توبىن قۇرۋ تۋرالى شەشىم قابىلداندى دەپ حابارلاعان بولاتىن.

 “The Qazaq Times”