فوتو: كرىم.رەالي.

رەسەيدىڭ سۇرياداعى اسكەريلەرىنىڭ بەرگەن دەرەكتەرىندە ءان-نوسارت مايدانىنداعى لاڭكەستىك توپتاردىڭ ەلدىڭ سولتۇستىك-باتىسىنداعى يدليب ايماعىندا حيميالىق شابۋىلمەن ارانداتۋشىلىق جاساعالى وتىرعانىن مالىمدەدى. بۇل تۋرالى يراننىڭ «پارس» اقپارات اگەنتتىگى حابارلاپ وتىر.

اقش ءسۇريا ۇكىمەتىن حيميالىق قارۋ قولدانعالى وتىر دەپ جازعىرىپ، ەگەر حيميالىق قارۋ قولداناتىن بولسا ءسۇريا ۇكىمەتىنە اۋىر سوققى بەرەتىنىن ەسكەرتكەن. ال، رەسەيلىك اسكەريلەردىڭ بەرگەن حابارىندا، لاڭكەستىك توپتار حيميالىق قارۋ قولدانىپ، ارانداتۋعا ۇرىنعالى وتىر دەدى.

قازىرگى كەزدە يران قورعانىس كۇشتەرى مەن رەسەيدىڭ ۇلتتىق قاۋىپسىزدىك كوميتەتى باسشىلارى تەلەفون ارقىلى تىلدەسىپ، اقش-تىڭ ءسۇريا ىسىنە ورىنسىز ارالاسۋىن بولدىرماۋعا تىرىسۋدا. رەسەي جاق اقش-تىڭ سىلتاۋ تاۋىپ ءسۇريا رەجيمىن قۇلاتۋعا تىرىسادى دەپ ايىپتايدى. ال، اقش بولسا باشار اساد بيلىگى ءسۇريانىڭ باستى كەدەرگىسى دەپ قارايدى. دەگەنمەن، رەسەي جانە يران، تۇركيا قاتارلى ەلدەر اقش-تىڭ وڭىردەگى ەڭ نەگىزگى تەررورلىق ۇيىمداردى استىرتىن قولداپ وتىرعانى تۋرالى دا دەرەكتەردى العا تارتادى.

“The Qazaq Times”