كاتار بيرجاسىنىڭ يندەكستەرى تومەندەپ كەتتى

كاتاردىڭ اكتسيالار نارىعى جەكسەنبى، 2 شىلدە كۇنى كاپيتالىنىڭ ءبىراز بولىگىن جوعالتتى. بۇعان كاتار مەن ءتورت اراب مەملەكەتىنىڭ اراسىنداعى كيكىلجىڭ سەبەپ، دەپ جازدى Bloomberg.

RNS اگەنتتىگىنىڭ مالىمەتىنشە، كاتاردىڭ Qatar Exchange Index قور بيرجاسىنىڭ يندەكسى 2 شىلدە كۇنى 2,31%-عا تومەندەدى. QE All Share Index 2,54%-عا، QE All Share Industrials —  3,36%-عا تومەندەدى. اكتسيالار قۇنى مۇلدە ءتۇسىپ كەتكەن QE All Share Consumer Goods & Services, بۇل يندەكستىڭ كورسەتكىشى 3,97%-عا تومەندەپ كەتتى.

ساراپشىلاردىڭ سوزىنشە، كاتاردىڭ اكتسيالار نارىعىندا باعا تومەندەگەن جاعدايدا ولاردىڭ قۇندى قاعازدارىن ساتىپ الۋدىڭ ءوزى قاۋىپتى بولۋى مۇمكىن.

ايتا كەتەيىك، وسى جىلدىڭ 5 ماۋسىمىندا ساۋد ارابياسى، بىرىككەن اراب امىرلىگى، باحرەين، جانە مىسىر ەلدەرى كاتارمەن ديپلوماتيالىق جانە ساۋدا قارىم-قاتىناسىن ۇزگەن بولاتىن. سودان كەيىن Qatar Exchange Index-ءى 11,9%-عا تومەندەگەن. اراب ەلدەرى كاتارعا  «مۇسىلمان باۋىرلار»، ليۆان قارۋلى كۇشتەرى، «حەزبوللا» جانە وزگە ۇيىمدارمەن قارىم قاتىنانستى ءۇزۋ، «ءال-جازيرا» تەلەارناسىن توقتاتۋ جانە تۇركيانىڭ كاتارداعى اسكەري بازالارىن جابۋ سەكىلدى 13 ءتۇرلى تالاپ قويعان.

ال كاتاردىڭ سىرتقى ىستەر ءمينيسترى مۋحاممەد بەن ابدۋرراحمان ال تاني 1 شىلدە كۇنى اراب ەلدەرىنىڭ قويعان تالاپتارىن جوققا شىعارىپ، بىراق ءتيىستى شارتتار بويىنششا ديالوگ جۇرگىزۋگە دايىن ەكەندەرىن مالىمدەگەن.

“The Qazaq Times”