كاتار ناتو-عا بەت بۇردى

كاتار مەن ناتو اراسىندا قاۋىپسىزدىك تۋرالى كەلىسىم جاسالدى. كاتاردىڭ قورعانىس مينيسترلىگىنىڭ كەلىسىمدەر جونىندەگى باسقارماسى بۇل تۋرالى جازباشا مالىمەتتى جاريا ەتتى. بۇل تۋرالى «تۇرىك تەلە-راديو» قىزمەتىنىڭ سايتى حابارلادى.

بەلگيانىڭ ورتالىق قالاسى بريۋسسەلدە ناتو باس حاتشىسىنىڭ ورىنباسارى مەن روۋز گوتەموەللەر مەن كاتاردىڭ قورعانىس وكىلى تاريك جاليد ابدەلي كەلىسىمگە قول قويعان. اتالعان كەلىسىمدە قاۋىپسىزدىك، قورعانىس سالاسىنداعى ىنتىماقتاستىق قامتىلعان. سونىمەن بىرگە، تاراپتار قورعانىس پەن قاۋىپسىزدىككە قاتىستى مالىمەتتەردى ورتاقتاسۋعا كەلىستى.

ساۋد ارابياسى باستاعان اراب ەلدەرىنىڭ كاتارمەن ديپلوماتيالىق قاتىناستارىن ءۇزىپ، «كاتار داعدارىسى» دەپ اتالاتىن ديپلوماتيالىق داعدارىستى جاساعاننان كەيىن كاتار امىرلىگى تۇركيا، يران جانە ناتو-عا مۇشە ەلدەرمەن قورعانىس، ساۋدا-ساتتىق، ازىق-تۇلىك قاۋىپسىزدىك سالالارىندا ىنتىماقتاستىقتى ارتتىرا ءتۇستى.

“The Qazaq Times”