اقش كاتار داعدارىسىنا ارالاستى

اقش مەملەكەتتىك حاتشىسى مەن كاتار ءسىم باسشىلارى جانە ەكى ەل ۇكىمەتتەرىنىڭ جوعارى دارەجەلى لاۋازىمدىلارى كەڭەيتىلگەن كەزدەسۋ وتىرىسىن وتكىزىپ، ەكى ەلدىڭ ىنتىماقتاستىعىن بەكەمدەۋ تۋرالى كەلىسىمگە قول قويدى. بۇل تۋرالى "People" باسىلىمى حابارلادى. 

كەزدەسۋ وتىرىسىنا قۇراما شتات لاۋازىمدىلارىنان اقش مەملەكەتتىك حاتشىسى رەكس تيللەرسون، پەنتاگون باسشىسى جەيمس مەتتيس، ال كاتار تارابىنان ەلدىڭ ءسىم باسشىسى شەيح مۇحاممەد بين ابدۋراحمان ءاد-ساني جانە قورعانىس ءمينيسترى حاليد بين مۇحاممەد ءال-اتيە قاتىسىپ، كەلىسىمدەرگە قول قويدى.

تيللەرسون كاتار ديپلوماتيالىق داعدارىسىنىڭ ايماقتاعى قاۋىپسىزدىك پەن ەكونوميكاعا ايتارلىقتاي كەرى اسەرىن كورسەتكەنىن اتاپ ءوتتى. كاتار جانە وزگە دە شىعاناق ەلدەرىن پىكىر بىرلىگىنە شاقىردى. ەكى ەلدىڭ لاۋازىمدىلارى اقش  پەن كاتار اراسىنداعى ديپلوماتيالىق بايلانىستاردى تىڭنان دامىتاتىنىن ايتتى.

“The Qazaq Times”