گيتلەر تۇرعان ءۇي مەملەكەت قاراماعىنا ءوتتى (ۆيدەو)

اۆستريادا ادولف گيتلەر دۇنيەگە كەلگەن ءۇي مەملەكەت قاراماعىنا ءوتتى دەپ حابارلايدى نەمىس تولقىنى اقپارات اگەنتتىگى.

اۆستريانىڭ كوستيتۋتسيالىق سوتى گيتلەر دۇنيەگە كەلگەن ءۇيدىڭ قازىرگى يەسىنىڭ قارسىلىعىنا قاراماستان ءۇيدى ۇكىمەت قاراماعىنا وتكىزۋدى قولداپ شەشىم شىعاردى.

ادولف گيتلەردىڭ ءۇيى اۆستريانىڭ يننداعى براۋناۋ (Braunau am Inn) قالاسىندا ورنالاسقان. ول وسى ۋاقىتقا دەيىن جەكە ادامداردىڭ يەلىگىندە بولىپ كەلگەن. اۆستريا بيلىگى بىرنەشە رەت ءۇي يەسىنەن ءۇيدى ساتىپ العىلارى كەلەتىندىكتەرىن ايتىپ ۇسىنىس جاساعان. الايدا ءۇي يەسى عيماراتتى ساتۋدان باس تارتقان. ەكىنشى دۇنيە جۇزىلىك سوعىستان بەرى ادولف گيتلەر دۇنيەگە كەلگەن ۇيدە دۇكەن، كىتاپحانا، مۇگەدەكتەرگە ارنالعان ۇستاحانا جۇمىس ىستەگەن. بىراق 2011 جىلدان بەرى ءۇي بوس تۇرعان.

ءۇيدى اۆستريا بيلىگى ءوز قاراماعىنا العاننان كەيىن ءۇيدىڭ ەندىگى تاعدىرى قالاي بولاتىنى ازىرگە بەلگىسىز. بۇعان دەيىن اۆتريانىڭ ىشكى ىستەر ءمينيسترى ۆولفگانگ سوبوتكا گيتلەر ءۇيىن بۇزىپ تاستاۋ كەرەكتىگىن ايتىپ ۇسىنىس جاساعان بولاتىن. بىراق ادولف گيتلەر ءۇيى 1993 جىلدان بەرى زالتسبۋرگ ءوڭىرىنىڭ ارحيتەكتۋرالىق قۇندىلىقتارعا يە عيماراتتار توبىنىڭ قۇرامىنا كىرەدى ياعني زاڭمەن قورعالادى.

“The Qazaq Times”