فوتو: Media.inform.kz

قر پرەمەر-ءمينيسترى باقىتجان ساعىنتاەۆتىڭ باسشىلىعىمەن وتكەن ەكسپو-2017 حالىقارالىق كورمەسىن دايىنداۋ جانە  وتكىزۋ بويىنشا مەملەكەتتىك كوميسسيانىڭ وتىرىسىندا  «استانا ەكسپو-2017» ۇلتتىق كومپانياسى» اق باسقارما باسشىسى ا.ەسىموۆ: «كورمەنىڭ العاشقى 20 كۇنىندە قاتىسۋىن الدىن-الا راستاعان 115 مەملەكەت پەن 22 حالىقارالىق ۇيىم ءوز پاۆيلوندارىنىڭ جۇمىسىن تولىقتاي جولعا قويدى»، - دەپ مالىمدەدى.

باسقارما باسشىسىنىڭ مالىمەتىنە سايكەس، ەكسپو-2017 حالىقارالىق كورمەسىنە ءبىر ايدان از ۋاقىت ىشىندە 400 مىڭ ادام كەلگەن. اتالعان كورمەنى تاماشالايتىنداردىڭ سانى تاۋلىگىنە ورتاشا ەسەپپەن، 24 000 ادامدى قۇرايدى.

حالىقارالىق كورمەلەر بيۋروسى دا  بارلىق پاۆيلونداردىڭ از ۋاقىت ىشىندە دايىندىعىن پىسىقتاپ ۇلگەرگەندىگىنە ءتانتى بولىپ، وڭ باعاسىن بەردى.

باسقوسۋدا سونداي-اق، كورمەگە كەلۋشىلەرگە قىزمەت كورسەتۋ ساپاسىن ارتتىرۋ، قاۋىپسىزدىكتى نىعايتۋ، تانىستىرىلىپ وتىرعان جاڭا تەحنولوگيالاردى ەلىمىزدىڭ ءوندىرىسى مەن تۇرمىسىندا قولدانۋ ماسەلەلەرى ءسوز بولدى.

“The Qazaq Times”